Buningdin kéyin amérikidiki wiskonsin uniwérsitétida Uyghur tilidinmu ders ötilidu

Bügün b d t ning dunya ana tili küni. Mushu künde amérikidiki wiskonsin uniwérsitétining melum qilishiche, amérika ma'arip ministirliqi xeter astida qalghan tillarni qutquzush meblighidin wiskonsin uniwérsitétining ottura asiyadiki bir-birige chétilidighan tillar programmisi üchün 379 ming amérika dolliri meblegh ajritip bergen.

Xewerde bayan qilinishiche, bu uniwérisitétta türkiy tillar dersliki dégen da'iride uzun yillardin buyan qazaq tili asas qilinip, bashqa türki tillar qoshumche qilin'ghan iken. Hazir bolsa bu fakoltétta üzbék tili asasida buninggha chétilidighan emma perqliq teleppuz qilinidighan qazaq, Uyghur, türkmen qatarliq bashqa türki tillar buyiche ders ötiliwatidu. Bu fakoltétning buningdin kéyinki türki tillar dersliki oqughuchilarni türkiy tillardin birni ögense uning bashqa wariyantlirini bimalal chüshinidighan qilishni meqset qilidiken.

Dunya Uyghur qurultéyining bayanatchisi dilshat rishit bügünki dunya ana tili küni munasiwiti bilen bayanat élan qilip, xitay hökümitining "qosh tilliq ma'arip" dégen nam astida Uyghur tilini yoq qilishqa kirishkenlikini eyiblidi we xitay hökümitining hazirqi Uyghur aptonom rayonida Uyghur tilining asasliq qanunluq ornigha dexl -teroz qilmasliqi lazimliqini körsetti. (Weli)