Өзбекистан президент сайлими


2007-12-22
Share

Йәкшәнбә күни, өзбекистанда президент сайлими өткүзүлмәкчи. Сиясий мулаһизичиләр ниң ейтишичә, бу президент сайлими нәтиҗиси алдин ениқ болған бир сайлам болуп, дунядики әң диктатор рәһбәрләрниң бири һесабланған, ислам кәримофниң, қайтидин президент сайлинидиғанлиқи ениқ икән.

Өзбекистанда, йәкшәнбә күни өткүзүлидиған президент сайлимида, кәримофтин сирт йәнә үч киши өзини намзат көрсәткән. Лекин, сиясий анализчилар вә кишилик һоқуқ паалийәтчилири, өзбекистан хәлқиғә анчила тонуш булимиған бу кишиләрниң, кәримофниң орунлаштуруши билән, хәлқара җамаәткә, президент сайлиминиң адаләтлик, әркин вә демократик принсипларға асасән елип берилғанлиқини көрситиш үчүн, өзлирини намзат көрсәткәнлики баян қилишмақта.

18 Йилдин бери, өзбекистанда һакимийәт йүргүзүватқан президенти ислам кәримоф, өзбекистандики сиясий өктичиләрни я түрмигә ташлиған яки чәтәлләргә қичишқа мәҗбурлиған. Хәлқара кишилик һоқуқ тәшкилатлириниң билдүрүшичә, өзбекистанда тән- җазаси вә йепиқ сотларда сиясий паалийәтчиләрни узун муддәтлик қамақ җазалириға һөкүм қилиш, күндилик ишқа айлинип қалған.

Ислам кәримофниң, болупму һөкүмәт контроллуқни сиртидики мусулман гуруппиларға вә мусулман сиясий паалийәтчиләргә қаратқан бесими наһайитиму күчлүк болуп, ғәрб сиясий мулаһизичилириниң ейтишичә, кәримофниң мусулманларға қаратқан қаттиқ қол сиясити, оттура асияда диний әсәбиликниң техиму күчийишигә сәвәб болмақта икән. (Өмәр қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт