Prézidént bush wéytnam bash ministiri fen wen key bilen söhbet ötküzdi


2005.06.21
Share on WhatsApp
Share on WhatsApp

Amérika prézidénti jorji bush bilen wéytnam bash ministiri fen wen key seyshenbe küni aq sarayda söhbet ötküzdi. Ikki terep söhbet ötküzüwatqan chaghda, kishilik hoquqni qoghdighuchilar aq sarayning aldidiki meydanda wéytnam hökümitige qarshi yighilish ötküzgen.

Prézidént bush söhbettin kéyin ötküzülgen muxbirlarni kütüwélish yighinida, ikki terep söhbitining keng témidiki mesililerge chétilghanliqini bildürdi. Ikki dölet rehbiri soda mesilisini muzakire qilghan. Da'irilerning ashkarilishiche, prézidént bush diniy erkinlik we kishilik hoquq mesilisini otturigha qoyghan. U muxbirlarni kütüwélish yighinida, ikki terepning insanperwerlik témisidiki mesililer toghrisida sözleshkenlikini eskertip, amérika wéytnamning eydiz késilige qarshi turush tirishchanliqini qollaydu, dédi.

Prézidént bushning ashkarilishiche, ikki rehber kishilerning wéytnamda diniy pa'aliyetke qatnishishini asanlashturidighan kélishim imzalighan. Ular wéytnamning dunya soda teshkilatigha kirish mesilisi, asiya rayonining bixeterliki we térrorizmgha qarshi turush hemkarliqi qatarliq mesililerni muzakire qilghan. Prézidént bush, wéytnam da'irilirining wéytnam urushida ölgen amérika eskerlirining söngikini tépish xizmitige qilghan yardimi üchün rexmet éytti. Fen wen key amérikini ziyaret qilghan tunji wéytnam bash ministiri. U, wéytnamning amérika bilen ittipaqdash bolush yoshurun küchi zor, dep körsetti. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet