Amérika wéytnam bilen herbiy hemkarliqini kücheytishke bashlidi

• 
  2006-06-05

Amérika dölet mudapi'e ministiri donald düshenbe küni xanoyda wéytnamning yuqiri derijilik emeldarliri bilen söhbet élip bérip, amérika - wéytnam herbiy hemkarliqini kücheytish mesiliside pikir birlikige keldi. Kélishim boyiche amérika wéytnam herbiy xadimlirigha téksas shtatidiki herbiy bazisida tibbiy we mina tazilash telim terbiyisi élip barmaqchi.

Roytérs axbarat agéntliqi wéytnamni amérika dölet mudapi'e ministirliqi zich alaqe ornitishni ümid qilip kéliwatqan asiya döletlirining biri, dep tekitligen. Roytérsning eskertishiche, amérikining meqsidi térrorchiliqqa qarshi urush we künséri küchiyiwatqan xitayni qamal qilishtur. Ramsfild muxbirlargha wéytnam rehberliri bilen ötküzgen söhbiti heqqide toxtilip," biz ortaq tileklirimiz, kélishimdiki her qaysi derijilik herbiy almashturush we herbiy qisimlarning munasiwitini kücheytish mesililiri boyiche muzakire élip barduq" dédi.

Ramsfild 1975 -yili shimaliy wéytnam amérikini jenubiy wéytnamdin qoghlap chiqarghandin béri amérikining xanoyni ziyaret qilghan 2 - dölet mudapi'e ministiri bolup hésablinidu. Wéytnam bash ministiri fan wankey ramsfildning ziyaritini " ikki terep dölet mudapi'e sahesining rayon tinchliqi üchün hemkarliqni kücheytish herikiti " dep atidi.

Xitay 1960 we 1970 - yillarda kommunistik wéytnamni pütün küchi bilen qollighan. Lékin bu wéytnam bilen junggo arisida 1979 - yili chégra toqunushi yüz bérishige tosalghu bolalmidi. Sowét ittipaqi aghdurulghan we junggo asiyada bash kötürüshke bashlighandin kéyin, wéytnam amérika bilen ittipaqini kücheytmekte. Ramsfild wéytnamni " zihni - quwetke tolghan" dölet dep maxtidi. (Erkin)