Amérika dölet mejlisi ezaliri xitay hökümitining Uyghurlargha qaratqan basturushini qattiq eyiblidi

Amérika dölet mejlisi ezaliri jüme küni bir bayanat élan qilip xitay hökümitining béyjing olimpik tenheriket yighini harpisida Uyghurlargha qaratqan basturush herikitini qattiq eyiblidi.
Muxbirimiz ömer qanat xewiri
2008.07.12

 Amérika dölet mejlisi kishilik hoquq guruppisi rehberliri démokratchi jim makgowern we jumhuriyetchi frank wolf teripidin élan qilin'ghan bayanatta, 'xitay da'irilirining béyjing olimpik tenheriket yighinigha bir aydin az waqit qalghan bir mezgilde, qeshqerde17 Uyghur üstidin höküm élan qilip, ikki Uyghur ni ölümge we üch Uyghurni ikki yil kéchiktürüp ölüm jazasigha höküm qilghanliqi, xitayda sot jeryani we qanun hakimiyitining depsende qiliniwatqanliqining janliq ispati hésablinidu" déyilgen.

Bayanatida, xitay saqchilirining ürümchide jahat üchün terbiyilen'gen dégen guman bilen besh Uyghur yashni étip öltürgenliki mesilisi üstidimu toxtalghan amérika dölet mejlisi kishilik hoquq guruppisining qosh re'isliri jim makgowern we frank wolf, " xitay hökümitining xelq'ara térrorluqqa qarshi urushtin shuningdek olimpik bixeterlikidin Uyghurlarni basturush üchün paydilinishigha yul qoyulmasliqi kérek" dep körsetken.

Amérika dölet mejlisi ezaliri, xitay hökümitini Uyghurlargha qaratqan basturushini derhal toxtitishqa we 2008‏ - yilliq olimpik tenheriket yighinigha sahibxaniliq qilish hoquqi, béyjinggha bérilgende, kishilik hoquq weziyitini yaxshilash toghrisida xelq'ara jama'etke bergen wedisige emel qilishqa chaqirghan.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.