Amérika dölet mejlisi ezaliri xelq pulining tégishish qimmiti mesiliside xitaygha bésim ishletmekte
2005.06.09
Amérika prézidénti jorj bush charshenbe küni xitayning pat arida xelq pulini tégishish tüzümini islah qilishini ümid qilidighanliqini bildürdi.
U bu sözni, amérika dölet mejlisi ezaliri béyjinggha xelq pulining qimmitini qayta bahalash heqqide bésim ishlitiwatqan bir peytte éytqan.
Fransiye axbarat agéntliqining xewirige qarighanda, amérika dölet mejlisi ezaliri ichide xelq pulining tégishish qimmitini erkin qoyuwétish heqqide xitaygha bésim ishlitishni telep qilghanlarning sani barghansiri ashmaqta. Ular xitayni xelq pulining tigishish qimmitini qesten töwen tutup, xitay mallirining bahasini töwenletken we bu arqiliq dunya bazirigha selbiy tesir körsetmekte dep qaraydiken.
Nöwette amérika dölet mejlisidiki bir guruppa ezalar, eger xitay alte ay ichide xelq pulining tégishish qimmitini qoyuwetmise, xitaydin import qilidighan mallargha 27.5٪ Tamozhna béji élish lahiyisini dölet mejlisining maqulliqidin ötküzüshke tirishmaqta. Bu lahiye dölet mejlisidiki barghansiri köpligen ezalarning qollishigha érishmekte iken. (Arzu)
Munasiwetlik maqalilar
- Amérika xitayning xelq pulining qimmitini östürüshini yene telep qildi
- Amérika, xitayni xelq pulining qimmitini östürüshke ündidi
- Amérika, xitayni xelq puligha bolghan kontrolluq mesiliside agahlandurdi
- Amérika bilen xitay xelq pulining qimmitini tengshesh mesilisini muzakire qilidu
- Amérika xitaygha qaratqan siyasitini chingitmaqta