Хитай, хәлқ пулиниң қиммитини сентәбиргичә өзгәртишкә мақул болди

• 
  2005-07-15

Буш һөкүмити йеқинда америка дөләт мәҗлисидики бәзи кеңәш палата әзалириға, бейҗиң һөкүмитиниң хитай дөләт рәиси ху җинтав бу йил 9 - айда америкини зиярәт қилиштин бурун, хитай хәлқ пулиниң қиммитини тәңшәшкә мақул болғанлиқини билдүргән.

Франсийә ахбарат агентлиқиниң хәвәр қилишичә, буш һөкүмити кеңәш палата әзаси чарлиз шумир билән линдсәй граһамға хәлқ пулиниң 9 - айғичә қиммити өзгиридиғанлиқини уқтурғандин кейин, хитай таварлириға таможна чәклимиси қоюш тоғрисида қанун тәклип лаһийиси һазирлашни вақитлиқ тохтитип қойған.

Әнгилийә "пул - муамилә гезити", кеңәш палата әзалириниң америка малийә министири җон снов вә америка федерал запас фонди рәиси алан гринспанлар билән бу тоғрисида сөһбәт елип барғандин кейин, қанун лайиһиси сунуш нийитидин вақтинчә ваз кәчкәнликини билдүрди. Бирақ америка малийә министирлиқиниң баянатчиси тоний фратто, җон снов хәлқ пули қиммитиниң қайси күни өзгүридиғанлиқи тоғрисида тохталмиди, дәп әскәртмәктә.

"Пул - муамилә гезити" ниң ашкарилишичә, америка бейҗиң даирилириниң хәлқ пулини аз дегәндә 10 ٪ қиммәтләндүрүшини тәләп қилған.(Әркин)