Xitay, xelq pulining qimmitini séntebirgiche özgertishke maqul boldi

• 
  2005-07-15

Bush hökümiti yéqinda amérika dölet mejlisidiki bezi kéngesh palata ezalirigha, béyjing hökümitining xitay dölet re'isi xu jintaw bu yil 9 - ayda amérikini ziyaret qilishtin burun, xitay xelq pulining qimmitini tengsheshke maqul bolghanliqini bildürgen.

Fransiye axbarat agéntliqining xewer qilishiche, bush hökümiti kéngesh palata ezasi charliz shumir bilen lindsey grahamgha xelq pulining 9 - ayghiche qimmiti özgiridighanliqini uqturghandin kéyin, xitay tawarlirigha tamozhna cheklimisi qoyush toghrisida qanun teklip lahiyisi hazirlashni waqitliq toxtitip qoyghan.

En'giliye "pul - mu'amile géziti", kéngesh palata ezalirining amérika maliye ministiri jon snow we amérika fédéral zapas fondi re'isi alan grinspanlar bilen bu toghrisida söhbet élip barghandin kéyin, qanun layihisi sunush niyitidin waqtinche waz kechkenlikini bildürdi. Biraq amérika maliye ministirliqining bayanatchisi toniy fratto, jon snow xelq puli qimmitining qaysi küni özgüridighanliqi toghrisida toxtalmidi, dep eskertmekte.

"Pul - mu'amile géziti" ning ashkarilishiche, amérika béyjing da'irilirining xelq pulini az dégende 10 ٪ qimmetlendürüshini telep qilghan.(Erkin)