Amérika maliye ministiri pa'ulsén xitayni ziyaret qildi


2006.09.19

Amérika maliye ministiri hénriy pa'ulsén seyshenbe küni xangju shehirige yétip kélip, xitay - amérika sodisidiki qizil reqem we xitay pulining islahati qatarliq muhim mesililerge chétilidighan 4 künlük ziyaritini bashlidi.

Pa'ulsén xitay ziyaritining tunji békiti xangjuda muxbirlargha " bu qisqa muddetlik ziyaret bolsimu, lékin intayin muhim ziyaret " dep körsetti. U, xitay - amérika soda munasiwiti, xelq pulining islahati, pul - mu'amile, eqliy mülük hoquqi qatarliq mesililerde xitaylar bilen pikir almashturidu. Pa'ulsén, bu jeryanda xitay dölet re'isi xu jintaw bilen uchrishidiken. Pa'ulsén, xitayni xelq pulining qimmitini östürüshke qistash toghrisida amérika dölet mejlisining bésimigha duch kelmekte.

Pa'ulsén xitay rehberlirige pul mesiliside némilerni deydighanliqini ashkarilimighan bolsimu, lékin u, her qandaq mesilide " tézla hel bolup kétish" ümidi kütmeydighanliqini bildürgen. Amérikining 2005 - yili xitay bilen bolghan soda qizil reqimi 202milyard dollargha yetti. Bu yilqi soda qizil reqimining 2005 - yildikidin éship kétidighanliqi perez qilinmaqta. Amérika kéngesh palatasining ikki ezasi yéqinda eger xitay 30 - sintebirgiche xelq pulining qimmitini körinerlik derijide östürmise, amérikigha kiridighan xitay towarliridin jazalash xaraktérlik tamozhna béji élish qanun teklip layihisi sunidighanliqini jakarlighan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.