Хитай дуня бойичә ениргийә сәрпияти әң чоң дөләткә айлиниду


2007-11-08
Share

Хәлқара ениргийә агентлиқи тәшкилати пәйшәнбә күни доклат елан қилип, 2010 ‏- йилиғичә, җоңгуниң дуня бойичә ениргийә сәрпияти әң көп дөләткә айлинидиғанлиқини ашкарилиди.

Хәлқара ениргийә агентлиқиниң бу доклатида йәнә, җоңгуниң ениргийә болған еһтияҗиниң америкидин ешип чүшидиғанлиқи билдүрүлгән.

Доклатта мөлчәрлинишичә, ениргийигә болған еһтияҗиниң көпийишигә әгишип, җоңгу дуня бойичә муһитни әң көп булғайдиған дөләткә айлинидикән. Җоңгу иқтисадий тәрәққиятиниң йүксилиши нәтиҗисидә, мәзкүр дөләтниң тәбии ениргийигә болған еһтияҗиму күндин - күнгә ашмақта шуңа җоңгу африқа, оттура шәрқ вә оттура асия дөләтлиридин менрал йеқилғу тәләп қилмақта.

Хәлқара ениргийә агентлиқиниң доклатида хитайниң ениргийигә болған еһтияҗи, униң дуня һава килиматиға әң чоң тәсир көрситидиған дөләткә айлинишиға йол ачидиғанлиқи қайта - қайта тәкитләнгән.

Җоңгу даирилири муһитни өзгәртиш чарилирини ишқа селиш тәләплирини рәт қилип, алди билән иқтисадий тәрәққиятни гүлләндүрүшни тәрғип қилип кәлмәктә.

Ғәрип әллириниң хитайға қаратқан ениргийә сәрпиятини азайтиш һәққидики тәнқиди, хитайға һичқандақ тәсир көрсәтмигән болуп, хитай бу җәһәттә өзини пәқәт ғәрип әллиридики истималчилар үчүн мәһсулат ишләпчиқириватқан дөләт дәп ақлап кәлмәктә. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт