گېرمانىيە بىلەن خىتاي خاكىر ھۇجۇمى مەسىلىسىدە جىددىي سۆزلەشمەكتە
2007.10.24
رويترس ئاگېنېتلىقى دۈشەنبە كۈنى ئېلان قىلغان خەۋىرىدە، گېرمانىيە ئاخبارات تارماقلىرى يېقىندىن بۇيان ھەركۈنى گېرمانىيىنىڭ تور بەتلىرى، ھەتتا گېرمانىيە پرېزىدېنتىنىڭ تور بېتىمۇ خىتاينىڭ خاكىر ھۇجۇمىغا ئۇچراۋاتقانلىقىنى، بۇنداق جاسۇسلۇق ھۇجۇملىرىنىڭ خىتاي ھۆكۈمىتىنىڭ بىۋاستە قوللىشى ئارقىسىدا يۈز بېرىۋاتقانلىقىنى، گېرمانىيە بۇ جەھەتتە ئۆزىنىڭ ئاساسىي قانۇنىنىڭ ئىززەت- ھۆرمىتىنى چۇقۇم قوغدايدىغانلىقىنى بايان قىلغان ئىدى.
ئامېرىكا ئاۋازىنىڭ بايان قىلىشىچە، خىتاي تاشقى ئىشلار منىستىرلىقىنىڭ باياناتچىسى ليۇ جەنچاۋ بۇ مەسىلىدە "گېرمانىيە بىزنى ئەيىبلەشتىن بۇرۇن ئۆزى مەسىلىنى ئوبدان ئېنىقلىشى كېرەك' دەپ قوپاللىق بىلەن رەددىيە بەرگەندىن كېيىن، گېرمانىيە خەلقئارا مەسىلىلەر تەتقىقات ئورنىنىڭ باشلىقى ھېنسى ئۇنىڭغا 'بىر دۆلەت ھېچقاچان باشقا بىر دۆلەتنى ئاخبارات ئوغرىلاش مەسىلىسىدە پاكىتسىز ئەيىبلىمەيدۇ' دەپ كەسكىن قايتارما رەددىيە بەرگەن.
خەۋەر ئارخىپلىرىغا قارىغاندا، 8 - ئايدا ئامېرىكا، فرانسىيە، كانادا، يېڭى زېلاندىيىلەرنىڭ ھۆكۈمەت تور بەتلىرىمۇ خىتاينىڭ خاكىر ھۇجۇمىغا ئۇچرىغان ئىدى. (ۋەلى)
مۇناسىۋەتلىك ماقالىلار
- خىتاي، رۇسىيە، ھىندىستان تاشقى ئىشلار مىنىستىرلىرى خاربىندا سۆھبەت ئۆتكۈزدى
- خىتاي گېرمانىيە بىلەن ئۆتكۈزىدىغان كىشىلىك ھوقۇق سۆھبىتىنى بىكار قىلدى
- خىتاي ھۆكۈمىتى مېركېلنىڭ دالاي لامانى قوبۇل قىلغانلىقىغا نارازىلىق بىلدۈردى
- ئاۋسترىيە باش مىنىستىرى گۇسېنبېير دالاي لاما بىلەن كۆرۈشتى
- خىتاي ھۆكۈمىتى گېرمانىيە باش مىنىستىرىنىڭ دالاي لامانى كۈتۈۋالماقچى بولغانلىقىغا نارازىلىق بىلدۈردى
- خىتاي ئامېرىكا بەش بۇرجەكلىك بىناسىنىڭ كومپيۇتور سىستېمىسىغا ھۇجۇم قىلغانلىقىنى ئىنكار قىلدى
- مېركېل، خىتايدا كىشىلىك ھوقۇق مەسىلىسىنى ئوتتۇرىغا قويغانلىقى ئۈچۈن ئالقىشقا ئېرىشمەكتە
- گېرمانىيە باش مىنىستىرى مېركېل خىتاينى كىشىلىك ھوقۇققا ئەھمىيەت بېرىشكە چاقىردى
- گېرمانىيە باش مىنىستىرى خىتاي رەھبەرلىرى بىلەن ئېلىپ بارغان سۆھبىتىدە كىشىلىك ھوقۇق مەسىلىسىنى ئوتتۇرىغا قويدى