ئامېرىكا دۆلەت مۇداپىئە مىنىستىرى روبېرت گېيتس خىتاينىڭ ھەربىي پروگراممىلىرىدىكى خۇپىيانىلىقنى ئوتتۇرىغا قويماقچى
2007.11.02
ئالدىمىزدىكى يەكشەنبە كۈنى خىتاي زىيارىتى باشلاش ئالدىدا تۇرغان ئامېرىكا دۆلەت مۇداپىئە مىنىستىرى روبېرت گېيتس خىتايدىكى زىيارىتى جەريانىدا خىتاينىڭ ھەربىي پروگراممىلىرىدىكى خۇپىيانىلىقنى ئوتتۇرىغا قويىدىغانلىقىنى بىلدۈردى.
فرانسىيە ئاگېنتلىقىنىڭ روبېرت گېيتسنىڭ ئېيتقانلىرىدىن نەقىل ئېلىپ كۆرسىتىشىچە، گېيتس مۇخبىرلارنى كۈتۈۋېلىش يىغىندا ئوتتۇرىغا قويۇلغان، "خىتاينى بىر ھەربىي تەھدىت دەپ تونۇمسىز ؟ " دېگەن سوئالغا قارىتا، ئۆزىنىڭ پەقەت خىتايدا تەرەققىي قىلدۇرىلىۋاتقان ھەرخىل ھەربىي قۇرۇلۇشلارغا كۆپرەك كۆڭۈل بولىدىغانلىقىنى ۋە خىتاينىڭ ھەربىي قۇرۇلۇشلىرىدا ئوچۇق-ئاشكارىلىقنىڭ كەمچىلىكىگە قارىتا كۆپرەك كۆڭۈل بولىدىغانلىقىنى ئوتتۇرىغا قويغان ۋە: " مانا مۇشۇ مەسىلىلەر بىز دىئالوگ ئېلىپ بارىدىغان مەسىلىلەردۇر" دېگەن.
خىتاي تاشقى ئىشلار مىنىستىرلىقى باياناتچىسى ليۇ جىيەنچاۋنىڭ ئېيتقانلىرىغا قارىغاندا گېيتسنىڭ بۇ نۆۋەتلىك زىيارىتى بۇ ئىككى دۆلەتنىڭ مۇناسىۋەتلىرىدىكى ھەربىي سېلىنما ۋە باشقا جەھەتلەردە ئوتتۇرىغا چىققان يىرىكچىلىكلەرنى يۇمشىتىشتا ئىجابىي رول ئوينايدىكەن.
گېيتسنىڭ بۇ قېتىملىق خىتاي زىيارىتى، ئۇ ئۆتكەن يىلى دېكابىردا ئامېرىكا دۆلەت مۇداپىئە مىنىستىرى بولۇپ بېكىتىلگەندىن كېيىنىكى تۇنجى خىتاي زىيارىتى بولۇپ، ئۇ بۇ نۆۋەت خىتاي، جەنۇبى كورېيە ۋە ياپونىيىلەردە زىيارەتتە بولىدۇ. (جۈمە)
مۇناسىۋەتلىك ماقالىلار
- ئامېرىكا دۆلەت مۇداپىئە مىنىستىرى گېيتىس خىتاينى زىيارەت قىلىدۇ
- رۇسىيە كوللېكتىپ بىخەتەرلىك كېلىشىمىگە ئەزا دۆلەتلەرگە ئەرزان باھادا قورال-ياراق سېتىپ بېرىدۇ
- رۇسىيە بىلەن خىتاي ئالاھىدە ساقچى قىسىملىرى بىرلەشمە مانېۋىر ئۆتكۈزمەكچى
- پرېزىدېنت بۇش خىتاي ئارمىيىسىنىڭ كۈچىيىشىدىن ئەندىشىلىنىۋاتقانلىقىنى بىلدۈردى
- ياپونىيە : خىتاي ھەربىي سېلىنما جەھەتتە تېخىمۇ ئوچۇق- ئاشكارا بولۇشى كېرەك
- بەش دۆلەت يېقىندا ئۆتكۈزۈلىدىغان ھەربىي مانېۋىرنىڭ خىتايغا قارىتىلغانلىقىنى ئىنكار قىلدى
- شاڭخەي ھەمكارلىق تەشكىلاتى ھەربىي مانېۋىرىنىڭ ئىككىنچى بۆلۈمى باشلاندى
- شاڭخەي ھەمكارلىق تەشكىلاتىنىڭ تېررورلۇققا قارشى ھەربىي مانېۋىرى رەسمىي باشلاندى
- شاڭخەي ھەمكارلىق تەشكىلاتى قۇرۇلغاندىن بۇيانقى ئۈچىنچى قېتىملىق بىرلەشمە ھەربىي مانېۋىرىنى ئۆتكۈزىدۇ
- موڭغۇلىيىدە ئامېرىكا قاتارلىق توققۇز دۆلەت بىرلەشمە ھەربىي مانېۋىرى باشلاندى
- خىتاي ئارمىيىسى ئۇيغۇر ئىلى ئارقىلىق رۇسىيىگە يېتىپ بېرىپ مانېۋىر تەييارلىقى كۆرمەكتە
- ئامېرىكا ھەربىي ئەمەلدارى: ئامېرىكا تەيۋەننى قوغداش ئىقتىدارىغا ئىگە