Ху җинтавниң һиндистан зиярити тиибәтликләрниң қаттиқ наразилиқ һәрикити билән қаршилашти


2006.11.20
Share on WhatsApp
Share on WhatsApp

Ху җинтавниң зияритигә қарши һиндистанниң пайтәхти йеңи деһли вә драмсала шәһәрлиридә кәң көләмлик наразилиқ намайиши елип барған тибәтликләр ху җинтавдин тибәт мәсилисидә далай лама билән елип баридиған сөһбәтни башлишини тәләп қилди.

Хитай дөләт рәиси ху җинтавниң дүшәнбә күни башланған һиндистан зиярити төт күн давамлишидиған болуп, бу, 10 йилидин бери бир хитай дөләт рәисиниң һиндистанни тунҗи қетим зиярәт қилиши болуп һесаблиниду.

Хәвәрләргә қариғанда, хитай дөләт рәиси ху җинтав бу зиярити җәрянида, һиндистан президенти раштирапати баван вә баш министири манмоһансиң билән икки дөләт оттурисидики сода, чегра мәсилилирини көришидикән һәмдә төт күн давамлишидиған ху җинтавниң һиндистан зиярити җәрянида, хитай билән һиндистан оттурисида бир қошма баянат вә он һәмкарлиқ келишими имзалинидиған болуп, бу келишимләрниң бери мәбләғ селишни қоғдаш мәсилиси билән мунасивәтлик икән.

Хитай тәрәп өткән һәптә хитай ширкәтлириниң һиндистанда мәбләғ селиш мәсилисидә һелиму нурғун тосалғуларға дуч келиватқанлиқи тоғрисидики шикайәтлирини баян қилған. Хәвәрләргә қариғанда, гәрчә хитай дөләт рәиси ху җинтавниң һиндистан зиярити икки дөләт оттурисидики сода мунасивәтлирини техиму күчәйтисиму, әмма һиндистан билән хитай оттурисида мәвҗут земин даваси, хитай һөкүмитиниң пакистанни қорал билән тәминләйдиған асаслиқ дөләт болуши вә тибәт мәсилиси үстидики ихтилаплар қатарлиқ мәсилиләрниң давамлишидиғанлиқи билдүрүлмәктә. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.