Xu jintawning hindistan ziyariti ti'ibetliklerning qattiq naraziliq herikiti bilen qarshilashti
2006.11.20
Xu jintawning ziyaritige qarshi hindistanning paytexti yéngi déhli we dramsala sheherliride keng kölemlik naraziliq namayishi élip barghan tibetlikler xu jintawdin tibet mesiliside dalay lama bilen élip baridighan söhbetni bashlishini telep qildi.
Xitay dölet re'isi xu jintawning düshenbe küni bashlan'ghan hindistan ziyariti töt kün dawamlishidighan bolup, bu, 10 yilidin béri bir xitay dölet re'isining hindistanni tunji qétim ziyaret qilishi bolup hésablinidu.
Xewerlerge qarighanda, xitay dölet re'isi xu jintaw bu ziyariti jeryanida, hindistan prézidénti rashtirapati bawan we bash ministiri manmohansing bilen ikki dölet otturisidiki soda, chégra mesililirini körishidiken hemde töt kün dawamlishidighan xu jintawning hindistan ziyariti jeryanida, xitay bilen hindistan otturisida bir qoshma bayanat we on hemkarliq kélishimi imzalinidighan bolup, bu kélishimlerning béri meblegh sélishni qoghdash mesilisi bilen munasiwetlik iken.
Xitay terep ötken hepte xitay shirketlirining hindistanda meblegh sélish mesiliside hélimu nurghun tosalghulargha duch kéliwatqanliqi toghrisidiki shikayetlirini bayan qilghan. Xewerlerge qarighanda, gerche xitay dölet re'isi xu jintawning hindistan ziyariti ikki dölet otturisidiki soda munasiwetlirini téximu kücheytisimu, emma hindistan bilen xitay otturisida mewjut zémin dawasi, xitay hökümitining pakistanni qoral bilen teminleydighan asasliq dölet bolushi we tibet mesilisi üstidiki ixtilaplar qatarliq mesililerning dawamlishidighanliqi bildürülmekte. (Qanat)
Munasiwetlik maqalilar
- Xu jintaw amérika prézidénti bush bilen körüshmekchi
- Xujintaw xitayda xelqning dawalish chiqimini hökümet kötüridighan tüzüm tikleshni tekitligen
- Xu jintawning Uyghur aptonom rayonigha barghanliqini shinxu'a agéntliqi 5 kündin kéyin xewer qildi
- Xitay bilen hindistan ikki dölet chégrisida 27 yéngi soda éghizi achmaqchi
- Xitay - hindistan chégrisidiki nadula tagh éghizida 40 nechche yildin buyan taqalghan chégra baziri échildi