Hindistan bilen xitay chégra mesilisi üstide söhbet élip bardi


2007-04-23
Share

Hindistan bilen xitay uzundin béri dawamliship kéliwatqan chégra mesilisini hel qilish xususida yene bir nöwet söhbet élip bardi. Lékin, hindistan tashqi ishlar ministirliqi düshenbe küni ilan qilghan bayanatidin melum bolushiche, mezkur mesile üstide héchqandaq bösüsh xaraktérlik ilgirilesh bolghanliqi téxi namelum iken.

Hindistan bilen xitay himalaya téghi tereptiki chégra mesilisi seweblik 1962- yili urush qilghan idi. Bu nöwet élip barghan söhbet ushbu mesile üstide élip bérilghan 10 - qétimliq söhbet iken.

Hindistan bilen xitay arisidiki chégra ixtilapi taghliq chégridiki 125 ming kwadrat kilométir zémin'gha bérip taqilidu.

Birleshme agéntliqining 23 ‏- april bergen xewride éytilishiche, hindistan dölet bixeterliki meslihetchisi, m. K narayanan bilen xitayning mu'awin tashqi ishlar ministiri dey binggo, 20- aprildin 22 -aprilghiche yéngi déhlida we tamil nadu shtatidiki bir xilwet orunda körüshken. Bayanatta mundaq déyilgen: "söhbet, ochuq-yoruq, dostane, hemkarliq tüsini alghan ijabiy muhit astida élip bérildi." Mezkur bayanatta chégra mesilisi söhbiti toghrisida tepsiliy melumat bérilmigen bolsimu, emma her ikki terepning muwapiq bir peyitni tallap, yene bir nöwet söhbet élip bérish toghrisida öz maqulluqlirini bildürüshkenliki qeyt qilin'ghan. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet