Yawrupa birliki xitayni mehsulatlirining süpitini yuqiri kötürüsh jehette agahlandurdi


2007-08-21
Share

En'giliye b b s radi'o téléwiziye shirkiti, 21 - awghust bash xewer süpitide élan qilishigha qarighanda , yawrupa ittipaqi soda ministiri mendérsin , xitay da'irilirining xelq'arada xitay mallirigha nisbeten ensizlik " xitayda ishlen'gen" mallargha nisbeten xelq'arada cheklesh peyda qildi dep körsetken bahanisigha qoshulmaydighanliqini bildürüp , xitayni xelq'ara axbarat wastilirida peyda bolghan bésimgha qarshi öch élish pozitsiyiside bolmay ,mehsulatlirining süpitige, bixeterlikige kapaletlik qilish heqqide agahlandurghan.

Buning aldida yeni 19 - awghust küni xitay süpet tekshürüsh ministirlikining ministiri li changjang , xitay merkizi téléwiziyiside mexsus söz qilip " chet' ellerge ékisport qiliniwatqan xitay mallirining % 99 i süpet ölchimige yetken , bolupmu bizning balilar oyunchuqlirimiz hemde yémek -ichmeklirimiz ölchemge layiq " dégen idi.

Yawropa ittipaqi soda ministiri mandérsin li changjangning bu bayanlirigha biwaste reddiye bergendin bashqa , yawropa ittipaqida, istémalchilargha ziyan yetküzgen barliq süpetsiz xitay mallirini qayturuwétishni pütün küchi bilen qollaydighanliqini bildürgen.

Amérika mattél shirkiti ötken hepte xitayda ishlen'gen balilar oyunchuqlirida zeherlik maddilarning bayqighanliqini pash qilip dunya miqyasida 20 milyon dane xitay oyunchuqlirini yighish herkitini bashlighandin buyan , amérikidin bashqa yawrupa we bezi asiya elliridimu xitay mallirigha qarita agah bolush dolquni kötürülgen idi. Dunya bazirida xitay mallirigha qarita qizil chiraq yéqilishi béyjing hökümitige éghir bésim élip kelmekte. Shundaqla xitay bilen amérika qatarliq döletler bilen bolghan soda munasiwiti barghanche jiddiyleshmekte.(Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet