Америка парламинт әзалири хитайдики кишилик һоқуқ дәпсәндичилики үчүн олимпикни байқут қилиш һәққидә тәклип сунди

Сәккиз нәпәр җумһурийәтчи парламинт әзаси америка дөләт мәҗлисигә хитайниң олимпик мусабиқисини байқут қилиш һәққидә тәклип сунди. Франсийә агентлиқиниң хәвәр қилишичә, 8 ‏- айниң 7 ‏- күни дөләт мәҗлисигә сунулған бу тәклиптә , бейҗиңда 2008 ‏- йили өткүзилидиған олимпик мусабиқиси 1936 ‏- йили натсист германийиси берлинда өткүзүп тәнһәркәтчиләрниң шан -шөһритигә дағ кәлтүргән олимпик мусабиқисиға охшитилған.

Сәккиз нәпәр җумһурийәтчи парламинт әзаси америка дөләт мәҗлисигә сунған хитайниң олимпик мусабиқисини байқут қилиш һәққидики тәклиптә, хитайниң судан, берма, шималий корийә қатарлиқ дөләтләрниң һөкүмәтлирини қоллап пәйда қиливатқан кишилик һоқуқ дәпсәндичиликини тохтитиш лазимлиқи тәкитләнгән.

Бу тәклип америка дөләт мәҗлисидә музакирә қилинғанда йәнә, көп нәпәр демократчи парламинт әзаси коммунист хитайдики кишилик һоқуқ дәпсәндичилики вә йемәклик бихәтәрлики мәсилилирини қаттиқ тәнқид қилған. (Вәли)