Хитай, пакистан һөкүмитидин уйғур паалийәтчиләрни хитайға тапшуруп беришини тәләп қилди


2007-05-17
Share

Хитай пакистан һөкүмитидин пакистанниң афғанистан чегрисидики қәбилиләр районида йошурунған 20 дин артуқ уйғур паалийәтчини хитайға тапшуруп беришини тәләп қилған.

Һиндистанда чиқидиған күндилик вақит гезитиниң, пакистан ташқи ишлар минстирлиқиниң исмини ашкарилашни халимиған бәзи хадимлириниң сөзлирини нәқил кәлтүрүшичә, хитай һөкүмити, "пакистан һөкүмити уйғур милитанларни тутуп хитайға тапшуруп бериши керәк" дегән.

Хәвәрдә ейтилишичә, хитай һөкүмити мустәқил бир шәрқий түркистан дөлити қуруш үчүн күрәш қиливатқан, шәрқий түркистан исламий һәрикитиниң 20 дин артуқ әзасиниң пакистан қәбилиләр районида паалийити давамлаштуруватқанлиқини билдүрмәктә.

Гәрчә, пакистан ташқи ишлар минситирлиқиниң баянатчиси тәсрин әсләм, хитай һөкүмитиниң бундақ бир тәлипидин хәвәрсиз икәнликини билдүргән болсиму, әмма пакистан һөкүмити хәлқара кишилик һоқуқ тәшкилатлириниң қарши чиқишиға қаримай өтмүштә исмаил сәмәт, муһәммәт тохти қатарлиқ нурғунлиған уйғур паалийәтчисини хитайға қайтуруп бәргән. Хитай һөкүмити бу уйғур паалийәтчилириниң бәзилирини өлүм җазасиға һөкүм қилип, етип өлтүргән бәзилирини болса муддәтсиз қамақ җазасиға һөкүм қилған.

Хитай һөкүмитиниң пакситан һөкүмити тәрипидин хитайға қайтуруп берилгән исмаил сәмәтни өлүм җазасиға һөкүм қилип, һөкүмни иҗра қилиши һәмдә муһәммәт тохтини муддәтсиз қамақ җазасиға һөкүм қилиши хәлқара җамаәтниң вә уйғур тәшкилатлириниң қаттиқ наразилиқини қозғиған.(Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт