Pakistanning qutquzush buyumliri Uyghurlarning könglini utalamdu ?


2007-08-17
Share

Bir tereptin Uyghurlarning pakistandiki pa'aliyetlirini cheklep, b d t teripidin siyasi musapir, dep tonulghan Uyghurlarni xitaygha ötküzüp bérish bilen xelq'ara kishilik hoquqi teshkilatlirining tenqidige uchrighan pakistan, yene bir tereptin Uyghur aptonom rayonida apetke uchrighan xelqlerge qutquzush buyumliri yardem qildi. Közetküchiler, pakistanning yardimi musapirlar weqeliride pakistandin köngli sowughan Uyghurlarni teskin tapquzush meqsitide élip bérilghan bolushi mumkin, dep analiz qilishmaqta.

Shinxu'a axbarat agéntliqining xewer qilishiche, xitay xelq ishlar ministirliki pakistan hökümitining qutquzush buyumlar qachilan'ghan bir transport ayropilanining jüme küni ürümchige yétip kelgenlikini bildürgen. Qutquzush buyumliri 150 chédir, 1000 dane yotqan, 5 tonna gürüch, 200 ming tablit su tazilash dorisi qatarliqlarni öz ichige alghan. Bu yil 7 - ayda Uyghur aptonom rayonining qumul, turpan qatarliq jaylirida éghir kelkün apiti, ilida yer tewresh apetliri yüz bérip, 38 adem ölgen idi. Xitay da'iriliri bu apetlerde 150 milyon yüenlik iqtisadiy ziyan kélip chiqqanliqini élan qildi. Xitay xelq ishlar ministirliki pakistan qutquzush buyumlirining asasliqi qumuldiki su apiti bolghan jaylar we 7.5 Bal yer tewresh weqesi yüz bergen ilidiki apet rayonlirigha yardem qilinidighanliqini bildürmekte.

Pakistan xitaylar meblegh salidighan we qoral - yaraqlar sodisi qilidighan eng yéqin shérikliridin biri bolupla qalmay, u yene sherqiy türkistan küchlirini basturushta tayinidighan muhim ittipaqchiliridin biri bolup, pakistan xitaygha ötküzüp bergen memet toxti yaki isma'il semetke oxshash öktichi musapirlargha xitay hökümiti ölüm jazasi bérip étip tashlighan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet