نيۇ-يوركتا خىتايچە يېمەكلىكلەرنى ئۆز ئىچىگە ئالغان بىر قىسىم زىيانلىق يىمەكلەر چەكلەندى
2006.12.24
نيۇ-يورك شەھەرلىك ھۆكۈمەت مۇشۇ ئاينىڭ بېشىدا ئاھالىلەرنىڭ سالامەتلىكىگە زىيانلىق بولغان بىر قىسىم يېمەكلىكلەرنىڭ ئاشخانا ياكى يېمەك دۇكانلىرىدا سېتىلىشىنى چەكلەيدىغانلىقىنى ئېلان قىلغان ئىدى. 23 - دېكابىر ئامېرىكا ئاۋازى رادىئوسىنىڭ خەۋىرىدە كۆرسىتىلىشىچە نيۇ-يوركتا چەكلىنىدىغان يېمەكلىكلەرنىڭ ئىچىدە، نيۇ-يوركتىكى بىر قىسىم خىتاي ئاشخانىلىرىدا سېتىلىۋاتقان مايدا قىزارتىلغان يىمەكلىكلەرمۇ كىرگۈزۈلگەن.
مۇناسىۋەتلىك دوكلاتلاردا كۆرسىتىلىشىچە، خىتايچە يېمەكلىكلەرنى ئۆز ئىچىگە ئالغان چەكلەنگەن يېمەكلىكلەرنىڭ كۆپىنچىسى كالسترولغا ئوخشاش زىيانلىق ماددىلار مىقدارى ئالاھىدە كۆپ، زەھەرلىك ماددىلىرىنىڭ نىسبىتى يۇقىرى بولغان قۇيماق، مايدا قىزدۇرۇلغان توخۇ، قاتارلىق كىشىلەر كۆپ ئىستىمال قىلىۋاتقان تېز تاماقلار بولۇپ، خىتاي ئاشخانىلىرى بۇ خىل يېمەكلىكلەرنى پىشۇرۇشقا ئاساسەن سۈنئىي مايلارنى ئىشلەتكەن.
بۇ خىل سۈنئىي مايلاردا زەھەرلىك ماددىلار ئىنتايىن كۆپ بولۇپ، كىشىلەرنىڭ سالامەتلىككە ئېغىر زىيانلارنى ئېلىپ كېلىدىكەن ھەتتا راك پەيدا قىلىش ئېھتىماللىقى ئىنتايىن يۇقىرى ئىكەن. (گۈلچېھرە)
مۇناسىۋەتلىك ماقالىلار
- خىتايدىكى ساختا ماركىلىق مال ئامېرىكا -خىتاي سودا مۇناسىۋىتىگە ئېغىر تەسىر يەتكۈزمەكتە
- ياۋرۇپا بىرلىكى خىتاي سودىسى ھەققىدە يېڭى سىياسەت بەلگىلىدى
- ئامېرىكا كېڭەش پالاتا ئەزالىرى خىتاي تاۋارلىرىغا تاموژنا بېجى قويۇش قانۇن لايىھىسىدىن ۋاز كەچتى
- ئامېرىكا ماشىنا زاپچاسلىرى تاموژنا بېجى ھەققىدە خىتاينى ئەرز قىلماقچى