Түркмәнистан президенти хитайни зиярәт қилмақчи


2007-07-03
Share

Түркмәнистан президенти қурбангул бәрдимуһәммәдоф июл ейиниң 16‏- күнидин 18‏- күнигичә хитайда зиярәттә болмақчи.

Америка бирләшмә агентлиқиниң хәвәр қилишичә, түркмәнистан президенти бу зиярәт җәрянида хитай рәһбәрлири билән асаслиқи, өткән йили түркмәнистан билән хитай оттурисида енергийә саһәсидә имзаланған келишимни әмәлгә ашуруш мәсилисини музакирә қилидикән.

Мәзкур келишимгә асасән хитай 30 йил ичидә түркмәнистандин 30 милярд көп метир тәбий газ сетивалидикән.

Бәрдимуһәммәдоф, хитайға қилидиған зияритиниң түркмәнистан - хитай мунасивәтлирини тәрәққий қилдуруш вә хитай билән түркмәнистан оттурисида имзаланған келишимләрниң әмәлгә ешишини тезлитишни мәқсәт қилғанлиқини билдүрди.

Түркмәнистан бурунқи совит җумһурийәтлири арисида, русийидин кейин, әң көп тәбий газ записиға игә дөләт болуп, бу дөләтниң тәбий газ записи районниң сиясий тәрәққиятида муһим рол ойнимақта. Америка вә ғәрб дөләтлири түркмәнистандин тәбий газини дуня базириға експорт қилиш үчүн, русийидин башқа йоллар издишини тәләп қилған. Лекин түркмәнистан май ейида русийә билән кәң көләмлик енергийә келишими имзалаш арқилиқ, америка вә ғәрб дөләтлирини һәйран қалдурди. (Өмәр қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт