Türkmenistan prézidénti xitayni ziyaret qilmaqchi


2007-07-03
Share

Türkmenistan prézidénti qurban'gul berdimuhemmedof iyul éyining 16‏- künidin 18‏- künigiche xitayda ziyarette bolmaqchi.

Amérika birleshme agéntliqining xewer qilishiche, türkmenistan prézidénti bu ziyaret jeryanida xitay rehberliri bilen asasliqi, ötken yili türkmenistan bilen xitay otturisida énérgiye saheside imzalan'ghan kélishimni emelge ashurush mesilisini muzakire qilidiken.

Mezkur kélishimge asasen xitay 30 yil ichide türkmenistandin 30 milyard köp métir teb'iy gaz sétiwalidiken.

Berdimuhemmedof, xitaygha qilidighan ziyaritining türkmenistan - xitay munasiwetlirini tereqqiy qildurush we xitay bilen türkmenistan otturisida imzalan'ghan kélishimlerning emelge éshishini tézlitishni meqset qilghanliqini bildürdi.

Türkmenistan burunqi sowit jumhuriyetliri arisida, rusiyidin kéyin, eng köp teb'iy gaz zapisigha ige dölet bolup, bu döletning teb'iy gaz zapisi rayonning siyasiy tereqqiyatida muhim rol oynimaqta. Amérika we gherb döletliri türkmenistandin teb'iy gazini dunya bazirigha éksport qilish üchün, rusiyidin bashqa yollar izdishini telep qilghan. Lékin türkmenistan may éyida rusiye bilen keng kölemlik énérgiye kélishimi imzalash arqiliq, amérika we gherb döletlirini heyran qaldurdi. (Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet