Yaponiye dölet mejlisi ezaliridin 160 qa yéqin kishi yasukuni buzrukgahini tawap qildi


2007-04-23
Share

Yaponiyidiki bahar bayrimi jeryanida, shu jay waqti düshenbe küni 160 neper yaponiye dölet mejlisi ezaliri yaki ularning wekilliri tokyo yasukuni buzrukgahini tawap qildi. Emma yaponiye bash weziri shinzo abé hemde uning kabént ezaliri tawap qilishqa chiqmidi.

Bahar bayrimining axirqi küni , shinzo abéning qol astidiki erkin démokratlar partiyisi ezaliri we öktichilerdin bolghan démokratik partiye ezaliri sütreng ton kiygen shinto rahib kalanining yétekchilikide yasukuni büzrükgahining peshtaqliridin tazim we tilawet qiliship asta yuqiri örleshken. Bu du'a-tilawet qilishqa hökümet erbabliri yaki ularning wekili bolup jem'iy 159 adem qatnashqan.

Roytérs agéntliqining 23 ‏-april bergen xewerdin melum bolushiche, abé burun mezkur buzrukgahini tawap qilghan bolup, uning yéqin bir meslihetchisining bildürüshiche, shinzo abé ichki kabéntining bash katibliq wezipisini ötewatqan mezgilde aldinqi yili aprilda bu buzrukgahini tawap qilghan iken.

Aldinqi jüme küni shinzo abé muxbirlargha özining bahar bayrimi jeryanida yasukuni buzrukgahini tawap qilish ‏- qilmasliqi toghrisida bir nerse démigen bolsimu, yenila eshu öz hayatini yaponiye üchün teqdim qilghanlarning rohini séghinip tilawet qilidighanliqini bildürgen. Yaponiye axbaratlirining xewerliride, abéning bundaq qilishining sewebi xitay bilen dostluqini eslige keltürüsh jeryanida xitayning chishigha tégip qoyushtin saqlinish üchün bolushi mumkin dégen qiyaslar bérilgen idi. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet