Җуңго японийигә қарши кәйпиятниң қалаймиқанчилиқ кәлтүрүп чиқиришидин әнсиримәктә

• 
  2006-08-16

японийә баш министири койзуми 15 - авғуст японийә 2 - дуня урушида тәслим болған күни ясукони тавабгаһини зиярәт қилғандин кейин, җуңго һөкүмити бир тәрәптин японийини тәнқид қилса, йәнә бир тәрәптин пуқралар ичидики японийигә қарши кәйпиятниң җуңгода қаллаймиқанчилиқ кәлтүрүп чиқиришидин әнсирәп тәдбир алди.

Хоңкоңда тизимға алдурған японийидин төләм төлитиш комитети әсли бейҗиңда мухбирларни күтүвелиш йиғини өткүзүп, койзумини тәнқид қилмақчи иди. Лекин бейҗиң шәһәрлик җамаәт хәвпсизлик идариси " рухсәт алмиған" дегән сәвәбләр билән, төләм төлитиш комитетиниң ахбарат елан қилиш йиғини өткүзүшигә йол қоймиған. Шинҗенда шәһәрлик парткомниң тәшвиқат бөлүми, мәтбуатларниң бу назук мәзгилдә пуқраларниң японийигә қарши паалийитини хәвәр қилишни чәклиди.

японийә мәтбуатлириниң хәвәр қилишичә, хәлқ райини синаш нәтиҗисигә қариғанда японийә пуқралириниң йеримидин көпирәки баш министир койзуминиң ясуконини тавап қилғанлиқиға иҗабий позитсийидә қариған. Лекин 40 % киши келәр нөвәтлик баш министир ясуконуни зиярәт қилмаслиқи керәк, дәп қарайдикән.

Койзуминиң ясуконини зиярәт қилишиға қарши чиққан дөләтләрниң бири җәнубий корийә. Җәнубий корийә даирилири чаршәнбә күни, әгәр японийиниң келәр нөвәтлик баш министири тавабгаһни зиярәт қилса, японийә билән алий дәриҗиликләр сөһбити елип бармаймиз " дәп агаһландурди. (Әркин)