Xu jintaw awstraliye ziyaritini bashlidi


2007-09-03
Share

Xitay dölet re'isi xu jintaw düshenbe küni awstraliyige qaratqan 7 künlük ziyaritini bashlidi. Xewerlerge qarighanda, xu jintaw seyshenbe küni, asiya-tinch okyan iqtisadiy hemkarliq teshkilatigha eza dölet rehberlirining yighinigha qatnishish üchün sidnéy shehirige bérishtin burun, kanbérrada awstraliye bash minstiri jan xoward bilen körüshüp, bir qatar iqtisadiy kélishimlerge qol qoyidiken.

Xitay, awstraliyining ikkinchi chong soda shiriki bolup, 2006‏- yili xitay-awstraliyining yilliq tijaret hejimi 33 milyard dollargha yetken.

Xitay dölet re'isi xu jintawning awstraliye rehberliri bilen ötküzidighan söhbetliri munazirisiz ötsimu, emma siyasiy mulahizichiler we diplomatlarning éytishiche, asiya-tinch okyan iqtsadiy hemkarliq teshkilati yighinida, xitay bilen gherb döletliri otturisida, asiya-tinch okyan rayoni dölet rehberliri teripidin dunya hawa kilimatining özgirishi heqqide élan qilmaqchi bolghan bayanat üstide jiddiy talash-tartishlar meydan'gha kélishi mumkin iken.

Awstraliye hökümet da'irilirining bildürüshiche, asiya -tinch iqtisadiy hemkarliq teshkilati dölet rehberliri, 8‏- we 9‏- séntebir künliri ötküzülidighan dölet bashliqliri yighinida, yémekliklerning bixeterliki mesilisimu otturigha qoyulidiken.

Köpchilikke melum bolghandek, yéqinda nurghunlighan döletlerde xitaydin import qilin'ghan yémek mehsulatlirida insan salametlikige ziyanliq maddilar bayqalghanliqi üchün, mezkur yémeklikler yighiwélin'ghan idi. (Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet