Uyghur élide képinek yiqqan bir yaponluq xitay chégrisidin qoghlandi

Fransiye agéntliqining -24 iyul xewer bérishiche , bir neper yaponluq er , seyshenbe küni képinek ewrishkilirini yiqqanliqi üchün seyshenbe küni xitay chégrisidin chiqiriwétilgen.

Kosima kawa isimliq bu yaponluq er 68 yashta bolup , u bir hepte ilgiri Uyghur élide képinek ewrishkilirini yighiwatqanda saqchilar teripidin qolgha élin'ghan. Saqchilarning shinxu'a agéntliqi muxbirigha bildürüshiche , bu yaponluqning yénidin 354 yawa képinek hemde yette dane képinek tutushqa ishlitidighan tor chiqqan. Xewerde éytilishiche , uning qilmishi yawayi janiwarlarni qoghdash qanunigha xilap iken.

Kosima kawa mexsus képinek ewrishkilirini yighip tetqiq qilidighan kishi bolup uning bu tetqiqat bilen shughulliniwatqanliqigha 50 yildin ashqan. U bu qétim xitay chégrisigha 10 künlük möhlet bilen kirgen bolup, asasliqi Uyghur élidiki qimmetlik yawayi képinek ewrishkilirini yighishni meqset qilghan iken.

Xitay da'iriliri ötken yilimu xotende ,yer ölchep xeritige élish bilen shughullan'ghan ikki neper yaponluqni dölet bixeterlikige tehdit élip keldi dep eyiblep chégridin qoghlighan idi. (Gülchéhre)