Yawropa birliki, bayqut xitayni ziyan'gha uchritidu dep eskertti

Béyjing olimpikining mesh'el uzutush pa'aliyiti bu yil 7 ‏ - april küni parizhda ongushsizliqqa yoluqqandin kéyin, xitay milletchiliri fransiyige qarshi ammiwiy naraziliq herikiti bashlighan idi.
Muxbirimiz shöhret hoshur xewiri
2008-04-24
Share

 Olimpik mesh'ilining parizhda üch qétim öchürulishi we mesh'elning tenheriketchiler teripidin emes aptuwuzda élip méngilishi, bir qisim xitay puqralirida meghlubiyet tuyghusi peyda qilghan bolup, bular naraziliqini ipadilesh üchün fransiyining xitaydiki shirkiti carrefour ning mallirini bayqut qilghan idi.

Tünügün yeni 23 ‏ - april küni yawropa birliki tijaret komitétining xitayda turushluq wekili Joerg Wuttke ependi bu heqte söz qilip, bayqut xitayni ziyan'gha uchritidu dep agahlandurghan.
 
Wutki sözide Carrefour da sétiliwatqan mallarning %95 ning xitay malliri ikenlikini hem Carrefour da 40 ming xitay xizmet qiliwatqanliqini eskertken. U sözide yene: " siz bayqut dep warqirawatqan waqtingizda qarshi terepmu jim turmaydu, yawropadimu xitay malliri bayqut qilinidu, fransiyilikler xitay mallirini bayqut qilsa, ziyan tartquchi terep xitay bolidu. Eger özara öch élish dawam qilsa, ishning nede toxtaydighanliqi estin chiqmasliqi kérek dep eskertken.

Nöwette gherb döletlirige qarshi dawamlishiwatqan xitaydiki ammiwiy qarshiliq heriketliri, bir tereptin xitay da'irlirini xosh qilsimu yene bir tereptin endishige salmaqta. Hökümetning endishisi namayishlarning kontroldin chiqip kétip aqiwette mewjut hakimiyetkimu tehdit sélip qélish éhtimalliqidur.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet