Yéngi zénlandiyining tashqi ishlar ministiri Uyghur élidiki shixenze uniwérsitétini ziyaret qildi


2007.05.22

22 ‏- May yéngi zénlandiye hökümet xewerler tor bétide bérilgen uchurdin melum bolushiche, bügün yingi zénlandiyining tashqi ishlar ministiri mezkur dölettiki messi uniwérsitéti bilen dostluq ‏- hemkarliq ornatqan Uyghur élidiki shixenze uniwérsitétini ziyaret qildi.

Xewerde éytilishiche, yéngi zénlandiyining messi uniwérsitéti 2005 ‏- yilidin buyan shixenze uniwérsitéti bilen dostluq ‏- hemkarliqta bolup, yéza igilik, pen ‏- téxnika saheside köp netijilerni yaratqan.

Yéngi zénlandiye hökümiti yillardin buyan Uyghur éli we tibet rayoni qatarliq jaylarning ma'arip we iqtisadi jehettiki tereqqiyatlirigha yéqindin köngül bölüp kelmekte. Xewerdin melum bolushiche, mezkur dölet Uyghur élidin bashqa yene, tibet, gensu, sichüen, güyju we gu'angshi qatarliq az sanliq milletler jaylashqan rayonlargha köp yardem bergen.

Shixenze uniwérsitéti Uyghur élidiki nuqtiliq uniwérsitétlarning biri bolup, uningda 29 ming oqughuchi oquydu, mezkur uniwérsitétqa qaraydighan tetqiqat organlirining özila 20 din ashidu. (Méhriban)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.