Karachida qeshqer soda yermenkisi ötküzülidu

Uyghur aptonom rayonining jenubidiki tarixiy sheher qeshqer, 24 - iyunda pakistanning jenubidiki déngiz porti karachida soda yermenkisi ötküzidu. Xitayning hökümet zuwani shinxu'a axbarat agéntliqining xewer qilishiche, 4 kün dawamlishidighan yermenkini, qeshqer wilayetlik tashqi soda we iqtisadi hemkarliq idarisi uyushturghan. Wilayetlik tashqiy soda we iqtisadi hemkarliq idarisidiki da'iriler, yermenke pakistan bilen Uyghur aptonom rayoni otturisidiki soda - iqtisadi hemkarliqni ilgiri sürüshni meqsed, dep körsetmekte.

Shinxu'a axbarat agéntliqining tekitlishiche, tashqi soda idarisining bir emeldari, " bu qétimqi yermenke arqiliq qeshqerni jenubiy we ottura asiya ellirige tonushturush shundaqla yerliklerning soda alaqisini kücheytishni ümid qilimiz," dep körsetken.

Da'iriler, qeshqerning jenubiy we ottura asiya rayonidiki élish - bérish merkizi shundaqla arqasep bazisi bolup qélishni ümid qilmaqta. Xewerlerge qarighanda yermenkini uyushturghuchilar, xitayning memliket ichi we sirtidin bolup jem'i 1000 din artuq sodigerni yermenkige teklip qilghan.

Xitay hökümiti yéqinqi yillardin béri qeshqerni échish qedimini tizletmekte. Emma xitayning mezkur pilanini tenqid qilghuchilar, qeshqerning Uyghur medeniyet böshüki bolush alahidiliki buzghunchiliqqa uchrushidin ensirimektiken. (Erkin)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar