"Uchur dewridiki milletler munasiwiti" namliq yighin échildi


2004.11.05
Share on WhatsApp
Share on WhatsApp

"Uchur dewridiki milletler munasiwiti" namliq yighin 5- öktebir küni amérikining konétikét shtatining merkizi hartford shehiride bashlandi.

songyongli.gif
21 – Esir xitay fondi jem'iyiti diréktori song yongli ependi échilish nutqi sözlimekte

Üch künlük bu yighin 21 – esir xitay fondi jem'iyiti, xelq'araliq tibet herikiti we trinity inistititi qatarliq orunlar teripidin birlikte uyushturghan bolup, yighin'gha xitay, Uyghur we tibetlerdin bolup 70 ke yéqin adem qatnashti. 21 – Esir xitay fondi jem'iyitidin song yongyi ependi échilish nutiqi sözlidi. Yighin'gha xitaydin kelgen xitay we tibet wekillirimu qatnashti.

Trinty institutining bashliqi doktor frank, prinsiton uniwérsitining proféssori pérry link ependi yighinning échilghanliqini tebriklep söz qildi. Tibetlerning wekili tibetlerning rohiy dahiysi dalay lamaning yighin'gha ewetken tebrik sözini oqup ötti.

Yighinning deslepki sözligüchiliridin prinsiton uniwérsitida bilim ashuriwatqan xé chinglyen xanim "xitay hökümitining intérnétke bolghan qattiq bashqurushi" témisida söz qilip, xitay hökümitining peqet neshriyat sahesidila emes, belki inténét sahesidimu bashqurushni kücheytip, axbarat erkinlikini boghiwatqanliqini emeliy misallar bilen sözlep ötti. U özining xitayning axbarat bashqurushining qurbani ikenlikini eskertip, kishilerning xitay dunya soda teshkilatigha kirishi, xitaydiki kishilik hoquqning yaxshilinishigha türtke bolidu dégen qarishining xata ikenlikini éytti.

Yighin sözligüchiliridin doktor patrisha tornton xanim xitayning intérnét tereqqiyati we qolgha élin'ghan inténét aktiplirining qolgha élinish sewebliri we buninggha bolghan qarashlirini otturigha qoydi.

Uyghur amérika birlikining bash katipi alim séytof bu yighinda "11- sétebirdin kéyin téximu yamanlishiwatqan Uyghur kishilik hoquq ehwali" témisida söz qilmaqchi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.