Xitay "altun hilal ay" zeherlik chékimlik etkeschilikini pash qilghan


2006.09.26

Uyghur aptonom rayoni jama'et xewpsizlik nazariti seyshenbe küni " altun hilal ay" zeherlik chékimlik etkeschiliki bilen munasiwetlik 2 diloni pash qilip, 30 kishini qolgha alghanliqini we 12 kilo zeherlik chékimlikni qolgha chüshürgenlikini jakarlidi.

Jama'et xewpsizlik nazaritining ashkarilishiche,mezkur dilogha munasiwetlik bu kishiler bu yil 7 - aydin 9 - ayning bashlirighiche ilgiri - kéyin bolup ürümchi, ghulja, béyjing, gu'angju we jyangsuning changjuy qatarliq jaylirida qolgha élin'ghan. Lékin jama'et xewpsizlik nazariti qolgha élin'ghan gumandarlarning kimlikini ashkarilimidi. Xitay da'iriliri bu ikki dilo afghanistanni merkez qilghan "altun hilal ay" zeherlik chékimlik rayoni bilen munasiwetlik, dep chüshendürmekte .

Afghanistan tewelikidiki bir kishi 14 - sintebir küni ka‏bul - ürümchi yoluchilar ayrupilanigha olturup, ürümchi ayrodromigha qon'ghanda zeherlik chékimlik toshughan, dep qolgha élin'ghan. Bu jeryanda 7 - aydin 9 - ayning 18 - künigiche béyjing,changjuy, gu'angjuy, ürümchi we ghuljida 29 kishi qazaqistandin zeherlik chékimlik yötkesh etkeschiliki bilen munasiwetlik, dep qolgha élin'ghan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.