Xitay zeher etkeschisi amérikida qolgha chüshti


2007.07.25
Share on WhatsApp
Share on WhatsApp

Amérika zeherlik chékimlikke qarshi turush idarisi 44 yashliq xitay dora sodigiri yé jénlini qolgha aldi.

Yé eslide shangxeyde tughulghan bolup, kéyin méksikida olturaqliship qalghan we bir dora shirkiti échip dora sodisi bilen shughullan'ghan hem méksika shirketlirige ademning nérwisini tormuzlap saranglarche rohlanduridighan bir xil zeherlik dora ishlepchiqirishqa ishlitidighan ximiyilik madda métapémtaminni köplep satqan.

Bu yil mart éyida saqchilar uning méksika shehiridiki heshemetlik dachisigha basturup kirip öyidin 270 milyon amérika dolliri neq pulni qolgha chüshürgen. Amérika hökümiti buni "dunyadiki zeher etkeschilikke a'it eng kop neq pul qolgha chüshken dilo "dep atighan.

25- Iyul washin'gton post gézitide bérilgen xewerde körsitilishiche, u amérikining mariland shtati wéstfiyld wé'aton soda sariyida qolgha chüshken.

Xewerde körsitilishiche, yé jénlining méksikigha qurghan dora shirkiti qanunsiz halda 86 tonna cheklen'gen ximiyilik maddini méksikigha import qilghan.

Uning adwokatining sotxana aldida éytqanlirigha qarighanda , yé méksikining hakimiyet béshidiki partiye milliy heriket partiyisining ziyankeshlikige uchrighan bolup, uning qolgha élinishi, méksika rehberliri teripidin " aldin orunlashturulghan köz boyamchiliq bilen élip bérilghan zeher etkeschilikige zerbe bérish herikiti" iken.

Emma amérika zeherge qarshi turush idarisining bayanatchisi, özlirining yéni qanun torigha chüshürüshte ispat matériyallarni intayin tepsiliy we éhtiyatchanliq bilen tekshürüp bir terep qilghanliqini bildürüp: "biz tekshürüshni bek tepsiliy élip barduq" deydu.

Yé jénli hazir zeherlik chékimliksiman dora éfédrin qatarliqlarni ishlepchiqirish, qanunsiz qoral saqlash we qanunsiz heriketler bilen shughullinish qatarliq jinayetler bilen eyiblendi. Hazir yé jénlining délosi dawamliq tekshürüsh we sot qilish basquchida turmaqta. (Jüme)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.