Америка маттел ширкити пүтүн дунядин20 милйон тал хитайда ясалған оюнчуқларни йиғивалди


2007.08.14
Share on WhatsApp
Share on WhatsApp

14- Авғуст күни, америкидики әң чоң оюнчуқ ширкити болған маттел ширкити пүтүн дунядин җәмий 20 милйон данә хитайда ишләнгән хәтәрлик оюнчуқларни йиғивалғанлиқини , буниң ичидә америка қошма шитатлиридин йиғивелинған хитайда ясалған оюнчуқларниң тоққуз милйон даниға йетидиғанлиқини елан қилди.

Америка маттел ширкити2006 - йили 11 - айда хитайда ишләнгән 8 түрлүк оюнчуқни йиғивалған иди.

Бу айниң башлирида, хитайда ишләнгән балилар оюнчуқлирида муәййән нисбәттики зәһәрлик мада, қоғушун байқалғанлиқи сәвәблик, америкидики әң чоң балилар оюнчуқи ширкити , маттел 1.5 Милйон данә хитайда ишләнгән балилар оюнчуқлири йиғивелиш уқтуруши чиқарған иди. Бу икки һәптидин буян маттел ширкитиниң иккинчи қетимлиқ хитай оюнчуқлирини йиғиши һесаблиниду.

Әнгилийә б б с радио телевизийисиниң бу һәқтә бәргән хәвиридин мәлум болушичә, аз дегәндә үч бала қоғушунлуқ оюнчуқтин зәһәрлинип өчәй йоли тешилип оператсийә қилиш арқилиқ қутқузуп қелинған . Америка истималчиларниң һоқуқини қоғдаш җәмийити болса балиларниң зәһәрлинишигә сәвәб болған бу оюнчуқларниң һәммисиниң хитайда ишләнгәнликини билдүргән. Балилар оюнчуқлирини америка маттел ширкитигә ишләп бәргән хитай оюнчуқ ширкити болған лида санаәт ширкитиниң ниң башлиқи җаң шухоң алдинқи күни ширкитиниң искилатида өзни есип өлтүрүвалған иди. Буниңдин бир қанчә күн илгири хитай һөкүмити бу ширкәтниң америкиға балилар оюнчуқи експорт қилишини чәклигән иди. (Гүлчеһрә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт