Amérika mattél shirkiti pütün dunyadin20 milyon tal xitayda yasalghan oyunchuqlarni yighiwaldi


2007.08.14
Share on WhatsApp
Share on WhatsApp

14- Awghust küni, amérikidiki eng chong oyunchuq shirkiti bolghan mattél shirkiti pütün dunyadin jem'iy 20 milyon dane xitayda ishlen'gen xeterlik oyunchuqlarni yighiwalghanliqini , buning ichide amérika qoshma shitatliridin yighiwélin'ghan xitayda yasalghan oyunchuqlarning toqquz milyon danigha yétidighanliqini élan qildi.

Amérika mattél shirkiti2006 - yili 11 - ayda xitayda ishlen'gen 8 türlük oyunchuqni yighiwalghan idi.

Bu ayning bashlirida, xitayda ishlen'gen balilar oyunchuqlirida mu'eyyen nisbettiki zeherlik mada, qoghushun bayqalghanliqi seweblik, amérikidiki eng chong balilar oyunchuqi shirkiti , mattél 1.5 Milyon dane xitayda ishlen'gen balilar oyunchuqliri yighiwélish uqturushi chiqarghan idi. Bu ikki heptidin buyan mattél shirkitining ikkinchi qétimliq xitay oyunchuqlirini yighishi hésablinidu.

En'giliye b b s radi'o téléwiziyisining bu heqte bergen xewiridin melum bolushiche, az dégende üch bala qoghushunluq oyunchuqtin zeherlinip öchey yoli téshilip opératsiye qilish arqiliq qutquzup qélin'ghan . Amérika istimalchilarning hoquqini qoghdash jem'iyiti bolsa balilarning zeherlinishige seweb bolghan bu oyunchuqlarning hemmisining xitayda ishlen'genlikini bildürgen. Balilar oyunchuqlirini amérika mattél shirkitige ishlep bergen xitay oyunchuq shirkiti bolghan lida sana'et shirkitining ning bashliqi jang shuxong aldinqi küni shirkitining iskilatida özni ésip öltürüwalghan idi. Buningdin bir qanche kün ilgiri xitay hökümiti bu shirketning amérikigha balilar oyunchuqi éksport qilishini chekligen idi. (Gülchéhre)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet