Xitayning her bir amérikiliqqa da'ir yéterlik sanliq melumat oghrilighanliqi melum

Muxbirimiz memetjan jüme
2021.08.08
Share on WhatsApp
Share on WhatsApp
Amérika dölet xewpsizlik kéngishining sabiq xitay ishliri diréktori mat pottin'gér xitayning Uyghurlargha irqiy qirghinchiliq yürgüzüwatqanliqini tekitlidi Amérika dölet xewpsizlik kéngishining sabiq xitay ishliri diréktori mat pottin'gér(otturida) “Bir belwagh bir yol” munbirining échilish murasimida. 2017-Yili 14-may, béyjing.
REUTERS

Charshenbe küni kéngesh palatasi axbarat komitétining ispat anglash yighinida guwahliq bergen sabiq amérika prézidénti trampning mu'awin dölet bixeterlik meslihetchisi matéw pottinggér xitayning tor hujumi we bashqa wasitiler arqiliq her bir amérikiliqqa alaqidar sezgür uchurlarni oghrilighanliqidin agahlandurush bergen.

Matéw pottinggérning bildürüshiche, xitay amérika we dunya miqyasida oghrilighan sanliq melumatlarni ishlitip, siyasiy rehberlerdin tartip adettiki puqralarghiche bolghan barliq kishilerge a'it arxip turghuzalaydiken.

U mundaq dégen: “Kishiler üstide arxip toplash ezeldin léninche hakimiyetning bir alahidiliki, emma béyjingning dunya miqyasidiki 5G torini öz ichige alghan reqemlik torgha singip kirishi heqiqeten buni bir yéngi bir baldaqqa kötürdi. Shunga, bu partiye hazir dunyadiki milyonlighan chet'el puqraliri üstidin höjjet toplap, toplighan matériyallarni tesir körsitish, nishanlash, qorqutush, mukapatlash, qaqti-soqti qilish, yüzini töküsh we axirida bölüp boysundurush üchün ishliteleydu.”

Pottinggér yene mundaq dégen: “Béyjing da'iriliri oghrilighan sezgür sanliq melumatlar her bir amérikiliq quramigha yetkenler we nurghun balilirimiz üstidin arxip teyyarlashqa yétidu, ular béyjingning siyasiy urush qa'idisi boyiche bir adil oyun hésablinidu.”

Pottinggér yene charshenbe küni xitayning atalmish birlik sep bölümining amérikigha tesir körsitish tirishchanliqi heqqidimu agahlandurush bergen.

Charshenbe küni amérika kéngesh palatasining istixbarat komitétida échilghan ispat anglash yighinida xitayning amérikining dölet bixeterlikige élip kéliwatqan tehditining künséri küchiyiwatqanliqi tekitligen.

Kéngesh palatasi istixbarat komitétining re'isi mark warnér sözide amérika jama'itining bu tehdittin xewiri tépishi kéreklikini tekitlep “Adette istixbarat komitéti ochuq ispat anglash yighini achmaydu, emma mu'awin re'isimiz marko rubiyo we men boluwatqanlardin amérika jama'itining xewiri bolushi kérek dep qaraymiz” dégen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.