Xitay hökümiti amérikigha inkas qayturush üchün xitaydiki amérika puqralirini tutqun qilidighanliqini éytqan

Muxbirimiz jüme
2020-10-18
Élxet
Pikir
Share
Print
Xitayning amérikidiki bash elchisi süy tyenkeyning roytérs agéntliqining ziyaritini qobul qiliwatqan körünüshi. 2018-Yili 27-noyabir, washin'gton.
Xitayning amérikidiki bash elchisi süy tyenkeyning roytérs agéntliqining ziyaritini qobul qiliwatqan körünüshi. 2018-Yili 27-noyabir, washin'gton.
Reuters

"Wal strét zhurnili géziti" ning shenbe küni xewer qilishiche, xitay hökümiti amérika edliye ministirliqining xitayning herbiyge munasiwetlik tetqiqatchilirini jazalishigha qarita inkas qayturush üchün xitaydiki amérika puqralirini tutqun qilidighanliqi heqqide washin'gton da'irilirini agahlandurghan.

Xewerde bu ishtin xewerdar namelum kishilerning éytqanliridin neqil élip körsitishiche, xitay emeldarliri bu heqtiki agahlandurushlarni ‍amérika hökümet emeldarlirigha köp xil qanallar arqiliq qayta-qayta yetküzgen.

Xitay terep öz uchurlirida, amérikaning xitay tetqiqatchilarni amérika sotida eyibleshke xatime bérishi kéreklikini, bolmisa xitaydiki amérikiliqlarning xitay qanunigha xilapliq qilish weziyiti otturigha chiqidighanliqini bildürgen. 

Xitayning washin'gtondiki bash elchixanisi "Wal strét zhurnili géziti" ning bu heqtiki so'allirigha jawab bérishni ret qilghan. 

Aldinqi ayda, amérika da'iriliri prézidéntning bixeterlik xewpi bar, dep qaralghan oqughuchilar we tetqiqatchilarning kirishini ret qilish tedbirliri boyiche 1000 din artuq xitay puqrasining wizisini emeldin qaldurghan.

Uningdin bashqa, fédératsiye tekshürüsh idarisi bu yil iyulda amérika wiza iltimasida xitay armiyesi bilen bolghan munasiwitini yoshurghan üch xitay tetqiqatchini qolgha alghan idi.

Toluq bet