Хитай пуқраси иқтисадий җасуслуқ җинайити билән әйибләнди

Мухбиримиз җүмә
2020-06-28
Share
Chinese-IP-Theft.png 26-Июн хитай пуқраси җаң хав иқтисадий җасуслуқи вә сода мәхпийәтликини оғрилаш җинайити билән әйибләнди.
voanews.com

26-Июн хитай пуқраси җаң хав иқтисадий җасуслуқи вә сода мәхпийәтликини оғрилаш җинайити билән әйибләнди. Калифорнийә штатида ечилған 4 күнлүк соттин кейин униң юқириқи җинайәтләрни сәдир қилғанлиқи бекитилди.

Американиң дөләт хәвпсизликигә мәсул ярдәмчи тәптиш әмәлдари җон демерсниң ейтишичә, җаң тйәнҗин университети билән шериклишип өзи ишләватқан америка ширкитиниң сода мәхпийәтликини хитай һөкүмитигә пайда йәткүзүш үчүн оғрилаш пилани түзгән.

Мәлум болушичә, җаң хав 2006-йили җәнубий калифорнийә университетини пүттүрүп 5 г алақисидә ишлитилидиған компютер өзәклири тәтқиқати билән шуғуллинидиған скайворкс (Skyworks)ширкитигә ишқа чүшкән вә у йәрдә паң вей исимлик йәнә бир хитай пуқраси билән тонушқан.

Кейин паң вей йәнә бир юқири техника ширкити авгоға (Avago) йөткәлгән. Улар шундин кейин тил бириктүрүп бу икки ширкәтниң 5г техникиси, сүний идрак вә заманиви симсиз алақидә ишлитилидиған техника йеңилиқлирини оғрилиған.

Мәлум болушичә, бу ширкәтләр юқири техникиларни тәрәққий қилдуруш үчүн 20 йилдин көпрәк вақит вә нурғун пул сәрп қилған икән.

Бу иккийлән 2009-йили хизмәтлиридин истепа берип тйәнҗин университетиға ишқа чүшкән вә 2011-йили шериклишип рофс (ROFS) микросестимиси намлиқ бир юқири техника ширкитини қуруп чиқип, сикайворкс вә аваго ширкәтлириниң мәһсулатлириға охшаш мәһсулатларни ясап базарға салған.

Җаң 2015-йили майда америкиға бир илмий муһакимә йиғини үчүн келип лос анҗилис айродромиға қонғанда қолға елинған.

Униң үстидин һөкүм елан қилиш соти 31-авғуст ечилидиған болуп, униң җасуслуқ җинайитигә 15 йиллиқ, сода мәхпийәтликини оғрилаш җинайитигә 10 йиллиқ қамақ җазаси һөкүм қилиниши мумкин икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт