Xitay elchisi: "Bizning démokratiyemiz amérikaningkidin qélishmaydu"

Muxbirimiz jewlan
2021-09-28
Share
Xitay elchisi: Xitayning amérikada turushluq elchisi chin gang.
Social Media

23-Sintebir küni, xitayning amérikada turushluq elchisi chin gang amérika kartér aqillar merkizi bilen chong bush amérika-xitay munasiwetliri fondi uyushturghan tor yighinida söz qilip, xitayning siyasiy tüzümining amérikaning meshhur prézidénti linkolin bilen qedimki gréklarning ghayisini eks ettüridighanliqini otturigha qoyghan. Uning éytishiche, qedimki gréklar xelq wekilliri hökümiti barliqqa keltürgeniken. Hazirqi xitayning siyasiy tüzümi shuninggha oxshaydighan bolup, xitay xelqimu hökümet saylimigha qatnishish we siyasiy ishlargha arilishish hoquqigha ige iken, mana buning özi démokratiye bolup, amérikaning démokratiye tüzümi bilen héchqanche perqi yoq iken.

U mundaq dégen: "Xitayning xelqni asas qilish idiyesi bolsun, yaki prézidént linkolinning 'xelqtin kélish, xelq ige bolush, xelq üchün ishlitish' idiyesi bolsun, hemmisi xelq üchün emesmu? biz xitay sotsiyalizimining démokratiyelishish jeryanini élip xelqtin xelqqe qayturush, xelq bilen hemnepes bolush, xelq üchün ishlesh chüshensek némishqa bolmaydiken?"

Dunya Uyghur qurultiyi xitay ishliri bölümining mudiri, siyasiy analizchi ilshat hesen ependi xitay elchi chin gangning bu yerde meshhur prézidént linkolinning sözini süy'istémal qilghanliqini bildürdi.

"Blombérg xewerliri" torida bérilgen dep melumattin qarighanda, xitay re'isi shi jinping 2019-yil "Toluq démokratiyelishish" dégen ibarini ishletken bolup, xitay hökümitining xelqtin kelgen pikir we teleplerni anglaydighanliqini bildürgen. Emeliyette bu qipqizil yalghan gep bolup, shi jinping del uning eksiche yol tutqan. 2018-Yilila u xitayning asasiy qanunini özgertip, wezipe ötesh mudditini ömürlük qilip uzartqan. Markisizmning "Xelq démokratiyesi diktatursi" we xitay rehberliri özi atiwalghan "Xitayche alahidilikke ige sotsiyalizm" gherbning erkin démokratiyesidin tüptin perqlinidiken. Xitayda hökümet rehberliri aldin békitilse, gherb elliride heqiqiy saylam arqiliq wujutqa kélidiken we wezipe ötesh mudditi cheklik bolidiken.

Xitay elchisi chin gang bu yighinda yene mustebit shi jinpingni aghzi aghzigha tegmey maxtap, "Namrat yézidin ösüp chiqqan, xelq yaxshi köridighan, ishinidighan we qollaydighan rehber" dégen hemde 90 pirsent xelqning xitay xelq kompartiyesini himaye qilidighanliqini bildürgen. Wahalenki, u shi jinpingning dadisi shi jungshünning birinchi ewlad kompartiye rehberliridin ikenlikini, shi jinpingning ösüp chiqishida bu xil arqa körünüshning hel qilghuch rol oynighanliqini tilgha almighan.

Xitay elchisi chin gangning bu yighinda qilghan sözliri xitay re'isi shi jinpingning xelq'arada söz hoquqi talishidighan tebi'itini, gherb elliri köp tilgha alidighan kishilik hoquq, démokratiye, köp qutuplishish dégen uqumlirigha xitayche tebir bérishke urunushlirini ashkarilap béridiken. Xitay diplomatlirining da'im "Amérika, yaponiye we bashqa bir qisim gherb ellirining qimmet qarishi xelq'ara jem'iyetke wekillik qilalmaydu" dep terghib qilishliri ene shu sewebtin iken.

Ilshat hesen ependi xitayning démokratiye, erkinlik, barawerlik dégen uqumlarni öz meyliche burmilap chüshendüridighanliqi we hemmini öz qélipigha sélishqa urunidighanliqini bayan qildi.

Chin gang yene amérika bilen xitayning Uyghurlar we xongkong mesilisidin kélip chiqqan ixtilaplirini tügitishke, ikki döletning oqughuchiliri, tetqiqatchi alimliri we sen'etkarliri otturisidiki tosaqni yoqitishqa, "Yéngi istratégiye we siyasiy irade bilen ikki dölet munasiwitide yéngi yol échish" qa chaqiriq qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet