Afghanistan prézidénti ürümchini ziyaret qildi

• 
  2006-06-21

Afghanistan prézidénti hamid kerzey charshenbe küni ürümchi ziyariti dawamida , ürümchidiki bir qanche yuqiri téxnikiliq shirketlerni ziyaret qildi.

Hamid kerzeyni Uyghur aptonom rayonining re'isi ismayil tiliwaldi kütiwaldi hemde ikki terep iqtisadiy hemkarliq mesililiride söhbetleshti. Hamid kerzey bolupmu bu yerdiki yuqiri téxnikiliq shirketlerning quyash we shamal énérgiyisidin ünümlük paydilan'ghanliqidin tesirlen'genlikini bildürdi.

Ismayil tiliwaldi afghansitanning Uyghur éli bilen ortaq chégragha ige yéqin xoshna dölet hésablinidighanliqini eskertip, afghansitan bilen bolghan hemkarliqni téximu kücheytishni ümid qilidighanliqini ipadilidi. Amérika 2001‏- yili afghansitanda taliban hakimiyitini aghdurghandin buyan, xitay hökümiti afghansitan bilen bolghan munasiwetni yaxshilash üchün nurghun tirishchanliqlarni körsetti.

Hamid kerzey xitay re'isi xu jintawning teklipige bina'en bu ziyaretni élip barghan hemde ötken hepte shangxey hemkarliq teshkilatining shangxeyde échilghan bashliqlar yighinigha qatnashqan idi. Bezi közetküchiler, xitayning afghanistan'gha yéqinchiliq qilishining afghanistanni ottura we gherbiy asiyadiki néfitqa érishish yolidiki muhim tügün dep qarighanliqidin ikenlikini bildürmekte. (Peride)