Xelq'ara kechürüm teshkilati xitayni kishilik hoquq pa'aliyetchilirini qoyup bérishke chaqirdi

Xelq'ara kechürüm teshkilati charshenbe küni xitay hökümitini ikki yighin échilishtin burun qolgha élin'ghan 10 nechche neper kishilik hoquq pa'aliyetchisini qoyup bérishke chaqirdi.

Xelq'ara kechürüm teshkilatining bildürüshiche, xitay saqchiliri ikki yighin échilishtin texminen 2 hepte awal bir qisim öktichi we kishilik hoquq pa'aliyetchilirini qolgha alghan. Qolgha élin'ghanlarning arisida eydiz pa'aliyetchisi xu jya, kompyutér programma tüzgüchi owyang shyawrong we öyliridin mejburiy köchürüwétilgenlerning hoquqi üchün heriket qilidighan bir qanche pa'aliyetchi bar iken.

Bu kishilerning a'ile-tawabatlirining melum qilishiche, ularni saqchilar kélip tutup ketken bolup, shundin buyan ularning iz-dériki tépilmighan. Ular hetta ikkinchi ayda élip bérilghan küch ulap achliq élan qilish herikitige qatnashqan iken. Shundaqla hazirghiche héchqaysi saqchi orunliri ularni tutup turuwatqanliqini étirap qilmighan.

Xelq'ara kechürüm teshkilati bayanatida, xitay hökümitining puqralarning kishilik hoquqini qoghdash yolida heriket qilghan bu pa'aliyetchilerni qoyup bérishini telep qildi. (Peride)