Б д т хитай қатарлиқ асия дөләтлирини әйдиз тоғрисида агаһландурди

Б д т сәһийә оргини 1 - декабир дуня әйдиз күни мунасивити билән хитай қатарлиқ асия дөләтлирини агаһландуруп, әгәр бу дөләтләрәйдизгә қарши җиддий тәдбир алмиса, әйдизниң ямрап кетиш әһвали техиму еғирлишиши мумкин, дәп көрсәтти.

Б д т әмәлдарлириниң әскәртишичә, асияда 8 милйон 600 миң киши әйдиз вируси билән юқумланған болуп, бейҗиң һөкүмити хитайда 65 миң кишиниң бу вирус билән юқумланғанлиқини билдүрмәктә.

Хитай һөкүмитиниң ашкарилишичә, бу йил 1 - айдин 10 - айғичә әйдиз вируси билән юқумланғучилар 30 % көпәйгән. Б д т әйдиз программисиниң бейҗиңдики вәкили рейнолдан, хитайниң әйдизгә қарши техиму көп ишларни қилишиға тоғра келидиғанлиқини билдүрди. У, "хитайда яшлар, оқуғучилар вә авам пуқраларниң әйдиз һәққидики тонуши йәнила тоғра әмәс. Улар әйдиз вирусиниң қандақ тарқилидиғанлиқини вә өзини қандақ қоғдайдиғанлиқини билмәйду" дәп көрсәтти.

Уйғур аптоном райони хитай бойичә әйдиз вируси әң тез кеңийиватқан җай һесаблиниду. Хитай сәһийә даирилириниң әскәртишичә, "районда әйдиз вируси һәр күни 17 кишигә юқмақта ". Болупму районда әйдиз вирусиниң тарқилиш йоли зәһәрлик чекимликни окул қилип селиш вә паһишилик қилиштәк ғәйри нормал йоллардин әр - аяллар оттурисидики нормал җинсий мунасивәткә көчүшкә башлиған.

Дуня сәһийә тәшкилати, зәһәрлик чекимлик, бихәтәрлик тәдбирлири елинмиған җинсий мунасивәтләр әйдизниң асияда ямрап кетишини күчәйтмәктә, дәп агаһландурди. (Әркин)