B d t xitay qatarliq asiya döletlirini eydiz toghrisida agahlandurdi


2006.12.01

B d t sehiye orgini 1 - dékabir dunya eydiz küni munasiwiti bilen xitay qatarliq asiya döletlirini agahlandurup, eger bu döletler'eydizge qarshi jiddiy tedbir almisa, eydizning yamrap kétish ehwali téximu éghirlishishi mumkin, dep körsetti.

B d t emeldarlirining eskertishiche, asiyada 8 milyon 600 ming kishi eydiz wirusi bilen yuqumlan'ghan bolup, béyjing hökümiti xitayda 65 ming kishining bu wirus bilen yuqumlan'ghanliqini bildürmekte.

Xitay hökümitining ashkarilishiche, bu yil 1 - aydin 10 - ayghiche eydiz wirusi bilen yuqumlan'ghuchilar 30 % köpeygen. B d t eydiz programmisining béyjingdiki wekili réynoldan, xitayning eydizge qarshi téximu köp ishlarni qilishigha toghra kélidighanliqini bildürdi. U, "xitayda yashlar, oqughuchilar we awam puqralarning eydiz heqqidiki tonushi yenila toghra emes. Ular eydiz wirusining qandaq tarqilidighanliqini we özini qandaq qoghdaydighanliqini bilmeydu" dep körsetti.

Uyghur aptonom rayoni xitay boyiche eydiz wirusi eng téz kéngiyiwatqan jay hésablinidu. Xitay sehiye da'irilirining eskertishiche, "rayonda eydiz wirusi her küni 17 kishige yuqmaqta ". Bolupmu rayonda eydiz wirusining tarqilish yoli zeherlik chékimlikni okul qilip sélish we pahishilik qilishtek gheyri normal yollardin er - ayallar otturisidiki normal jinsiy munasiwetke köchüshke bashlighan.

Dunya sehiye teshkilati, zeherlik chékimlik, bixeterlik tedbirliri élinmighan jinsiy munasiwetler eydizning asiyada yamrap kétishini kücheytmekte, dep agahlandurdi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.