Amérikidiki düyxu'a fondi jem'iyiti muraji'etname élan qildi

Amérikining kaliforniye shtatigha jaylashqan kishilik hoquq jem'iyiti düyxu'a fondi jem'iyiti muraji'etname élan qilip, xitay hökümitidin bu nöwetlik olimpik munasiwiti bilen xitayda uzun yillardin béri türmide yétiwatqan hemde qoyuwétilse jem'iyet bixeterlikige tehdit salmaydighan mehbuslarni kechürüp qilishini telep qildi.
Muxbirimiz jüme xewiri
2008.05.08

 Düyxu'a fondi jem'iyitining bildürüshiche, mezkur muraji'etname bu yil 28 ‏ - april, fondi jem'iyitining ijra'iye diréktori jon kam teripidin xitay xelq qurultiyi da'imiy komitéti mudiri wu banggogha yollan'ghan bolup, muraji'etnamide xitayning uzun yillardin béri türmide yétiwatqan mehbuslarni kechürüm qilish arqiliq, bu xildiki kechürümni tunji jakarlighuchi dölet bolup, kelgüsidiki olimpik sahibxanlirigha insanperwerlik mirasini qaldurush telep qilin'ghan.

Muraji'etnamide yene, olimpik üchün urush toxtitish kélishimi tüzüshning olimpikning négizlik prinsipi ikenliki, buning tarixtin buyan musabiqe jeryanida tinchliq, insanperwerlik élip kelgenliki körsitilgen.

Fondi jem'iyet re'isi kam ependining bildürüshiche, bu muraji'etname melum bir guruppa mehbuslarghila qaritilghan bolmastin, belki xitayda uzun yillardin béri türmide yétiwatqan mehbuslar, 1989 yilidiki tyen'enmén herikitide qolgha élin'ghan we uningdin ilgiri "eksil'inqilabchiliq" jinayiti bilen eyiblinip hazirche türmide yétiwatqan mehbuslarnimu öz ichige alidiken.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.