Җя чиңлин миллий територийилик аптономийини тәкитлиди

• 
  2006-07-18

Хитай компартийиси мәркизи комитет сияси биросиниң даими әзаси, сияси мәслиһәт кеңишиниң рәиси җя чиңлин 16 вә 17 - июл күнлири ички моңғолниң көкхот шәһиридә чақириған милләтләр хизмити тәҗирбә алмаштуруш йиғинида, миллий територийилик аптономийә түзүмидә чиң түрүшни тәкитлиди вә бу түзүм җоңгода милләтләр мәсилисиниң һәл қилишниң зор иҗадийити, дәп көрсәтти.

Җя чиңлинниң әскәртишичә, өзгүрүшчан хәлқара вәзийәтниң җидди риқабитигә тақабил түрүш үчүн, миллий територийилик аптономийә түзүмидә чиң түрүш вә уни әмилиләштүрүшкә тоғра келидкән. У, "миллий аптономийилик районларниң өз - өзини идарә қилишиға капаләтлик қилиш керәк," дәйду.

Миллий територийилик аптономийә түзүми милләтләр ичидә җидди талаш -тартиш қилиниватқан вә бу түзүмниң бу һоқуқни йүргүзиватқан милләтләрни қанчилик мәнпәәтдар қиливатқанлиқи гуман билән қариливатқан бир мәсилә болуп кәлмәктә.

Хитай һөкүмити бу йил 5 - айда мәркәзниң милләтләр хизмити йиғини чақирип, җоңгониң милләтләр сиясити истиратигийисини музакирә қилған. Хитай һөкүмити шу қетимқи йиғиндин кейин хитай хәлқ қурултийиниң муавин мудири исмайил әмәт башчилиқидики бир үмәкниң уйғур аптоном районини өз ичигә алған 11 миллий районда 7 - айдин 9 - айғичә тәкшүрүш елип баридиғанлиқини җакалиди.

Шинхуа ахбарат агентлиқи бу тәкшүрүш өмики миллий територийилик аптоном һоқуқи йүргүзиватқан милләтләр дуч келиватқан мәсилиләр үстидә тәкшүрүш елип баридиғанлиқини билдүргән. Ички моңғолда чақириған йиғинға уйғур аптоном райони партикоминиң секритари ваңлечүән иштирак қилған. (Әркин)