Jya chinglin milliy téritoriyilik aptonomiyini tekitlidi

Xitay kompartiyisi merkizi komitét siyasi birosining da'imi ezasi, siyasi meslihet kéngishining re'isi jya chinglin 16 we 17 - iyul künliri ichki monggholning kökxot shehiride chaqirighan milletler xizmiti tejirbe almashturush yighinida, milliy téritoriyilik aptonomiye tüzümide ching türüshni tekitlidi we bu tüzüm jonggoda milletler mesilisining hel qilishning zor ijadiyiti, dep körsetti.

Jya chinglinning eskertishiche, özgürüshchan xelq'ara weziyetning jiddi riqabitige taqabil türüsh üchün, milliy téritoriyilik aptonomiye tüzümide ching türüsh we uni emilileshtürüshke toghra kélidken. U, "milliy aptonomiyilik rayonlarning öz - özini idare qilishigha kapaletlik qilish kérek," deydu.

Milliy téritoriyilik aptonomiye tüzümi milletler ichide jiddi talash -tartish qiliniwatqan we bu tüzümning bu hoquqni yürgüziwatqan milletlerni qanchilik menpe'etdar qiliwatqanliqi guman bilen qariliwatqan bir mesile bolup kelmekte.

Xitay hökümiti bu yil 5 - ayda merkezning milletler xizmiti yighini chaqirip, jonggoning milletler siyasiti istiratigiyisini muzakire qilghan. Xitay hökümiti shu qétimqi yighindin kéyin xitay xelq qurultiyining mu'awin mudiri ismayil emet bashchiliqidiki bir ümekning Uyghur aptonom rayonini öz ichige alghan 11 milliy rayonda 7 - aydin 9 - ayghiche tekshürüsh élip baridighanliqini jakalidi.

Shinxu'a axbarat agéntliqi bu tekshürüsh ömiki milliy téritoriyilik aptonom hoquqi yürgüziwatqan milletler duch kéliwatqan mesililer üstide tekshürüsh élip baridighanliqini bildürgen. Ichki monggholda chaqirighan yighin'gha Uyghur aptonom rayoni partikomining sékritari wangléchü'en ishtirak qilghan. (Erkin)