Xitay aq tashliq kitabida amérikini teywen'ge qoral satmasliqqa agahlandurdi

Xitay hökümiti peyshenbe küni herbiy kontrolluq ehwali heqqidiki aq tashliq kitabini élan qilip, amérika hökümitini teywen'ge qoral sétip bermeslikke agahlandurdi.

Xitay tashqi ishlar ministirliqining qoral kontrol qilish bölümining bashliqi jang yen, teywen mesilisining, xitayning merkiziy menpe'etige bérilip taqilidighanliqini, shunga xitay hökümitining, her qandaq bir döletning teywen'ge bashqurulidighan bomba mudapi'e sistémisini sétip bérishige qarshi turidighanliqini bildürdi.

Amérika birleshme agéntliqining melum qilishiche, jang sözide gerche amérikini biwaste tilgha almighan bolsimu, lékin hemmige melum, amérika teywenning birdin-bir qoghdighuchisi hemde buningdin sel burun, bir qisim amérika emeldarliri teywen'ge bashqurulidighan bomba mudapi'e sistémisini sétip bérish teklipini sun'ghan idi.

Teywen mesilisi, amérika- xitay munasiwetliridiki müshkül bir mesile bolup, amérika hökümiti nöwette ikkila terepke éhtiyatchanliq bilen mu'amile qilmaqta. Lékin amérika yenila teywenni qoral bilen teminligüchi asasliq dölet bolup, bush hökümiti 2001 - yili teywen bilen 18 milyard amérika dolliri qimmitidiki herbiy soda kélishimini imzalighan. (Peride)