Xitay bu yil jiddi ashliq yétishmeslik mesilisige duch keldi


2007-01-28
Share

Xitayda chiqirilidighan iqtisad gézitidin ashkarilinishiche, shenbe küni xitay döletlik déhqanchiliq ministirlikining bayanatchisi xewer agéntliqlirigha "xitay chet'ellerdin ashliq import qilish bilenla duch kéliwatqan jiddi ashliq yétishmeslik mesilisini hel qilalishi mumkin emes" dep bildürgen.

Bayanatchining bildürüshiche 2007 - yili xitayda ashliq yétishmeslik mesilisi yenimu jiddi bir mesilige ayliniwatqan bolup, déhqanchiliq ministirliki intayin chong bésim hés qilmaqta iken. Uning körsitishiche xitayda ashliq jiddichilikining kélip chiqishigha seweb bolghan asasliq amillar, déhqanchiliq yerlirining azliqi, ashliq süpitining töwenlishi, ashliqqa bolghan éhtiyajning shiddet bilen éshishi qatarliqlar iken.

Xewerde éytilishiche xitay hökümiti yüzliniwatqan ashliq jiddiyliki mesilisini hel qilish üchün, bu yil apetlerning aldini élishni kücheytip ashliqtin hosul élishni turaqlashturush, térilghu yerliridin ünümlük paydilinish, téxnikini yéngilap, déhqanchiliq ishlepchiqirishni bashqurushni kücheytish, boz yerlerni échish hemde paydilinishni kücheytish qatarliq tedbirlerni qollinishni békitken.

Küzetchilerning bildürüshiche Uyghur élide bu yil xitay hökümitining yene 23 milyon mo boz yer échishni qarar qilishimu, xitay hökümitining ashliq jiddichilikini hel qilish üchün qollanmaqchi bolghan tedbirining biri iken. Nöwette Uyghur éli xitayning néfit hemde paxta ishlepchiqirish bazisi bolupla qalmay yene eng chong ashliq ishlepchiqirish bazisigha aylanmaqta. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet