Xitayda radi'o - téléwiziye istansilirining chet'el metbu'at organliri bilen hemkarlishishi cheklendi

• 
  2005-07-13

Xitay dölet kabintining radi'o - téléwiziye idarisi charshenbe küni yéngi belgilime chiqirip, her qaysi ölke we aptonom rayonlardiki radi'o - téléwiziye qanallirini chet'el metbu'at organlirigha ijarige bérishni cheklidi shundaqla chet'el metbu'atlirining her qaysi ölke we aptonom rayonlarda shu jaydiki metbu'atlar bilen hemkarliship, programma ishlishige bolmaydu, dep agahlandurdi. Bu neq meydandin bérilidighan programmilarnimu öz ichige alidiken. Biraq bu belgilime merkizi radi'o istansisi we téléwiziye qanallirini öz ichige almaydu.

Yéngi belgilime élan qilin'ghandin kéyin, yerlikdiki bir qisim téléwiziye istansiliri chet'el shirketliri bilen tüzgen bezi toxtamlarni bikar qilishqa mejbur bolghan. Emma xitay da'irilirining hazir ishliniwatqan programmilarni qandaq bir terep qilidighanliqi hazirche melum emesken.

Közetküchiler, yéngi belgilimini da'irilerning metbu'at sahesini kontrol qilish tirishchanliqining bir qisimi, dep körsetmekte. (Erkin)