"Yéngi béyjing géziti" ning bash tehriri wezipisidin élip tashlandi
2005.12.29
Xitay hökümiti, kishilerning yuqiri bahasigha érishken we eng qiziqip oquydighan "yéngi béyjing géziti" ning bash tehriri yang wu bilen ikki neper muxbirning wezipisini élip tashlighan.
En'giliye b b s radi'osining peyshenbe küni bu heqte bergen xewirige qarighanda, xitay da'iriliri yang wuning nime sewebtin wezipisdin élip tashlan'ghanliq heqqide éniq chüshendürüsh bermigen, biraq béyjingdiki bir adwokatning éytishiche, xitay kompartiyisi xadimliri mezkur gézitning köp qétim xataliq sadir qilghanliqini eyibligen iken.
Xewerde yene ilgiri sürülüshiche, gerche xitay hökümiti metbu'atlargha qaratqan konturulliqini qattiq kücheyteken bolsimu, biraq " yéngi béyjing géziti" jem'iyettiki eng qarangghu tereplerni tartip chiqirip, bu heqte obzor we mulahizilerni élan qilishqa jür'et qilish rohi bilen dang chiqarghan.
Mezkur gézit tunji bolup, bu yil 6 - ayda xébéy ding joda, hökümetning déhqanlarni qanliq basturush weqesini hemde bu jeryanda 6 déhqanning étip öltürülgenlikini dunyagha ashkarilighan idi. (Eqide)
Munasiwetlik maqalilar
- Özbékistan bilen xitay muxbirlarning türmige solinishi boyiche dunya chimpiyonliri
- "Chégrisiz muxbirlar teshkilati" xitayni eyiblidi
- Chégrisiz muxbirlar teshkilatining jaw yen'ge mukapat bergenliki xitay hökümitini ghezeplendürdi
- Béyjing da'iriliri chet'el gézit - zhornallirini xitayda bésip tarqititishqa yol qoyush pilanidin waz kechti
- Xitay axbarat erkinlikide dunya boyiche arqidin sanighanda 9 - orunda turidu