Xitay zhornalistlarni qamash jehette dunya boyiche bash türme

Birleshme agéntliqining béyjingdin xewer qilishiche, xitay hökümiti ötken 8 yil ichide sotlimay jaza höküm qilip qamighan zhurnalistlarning sani az dégende 31. Buning köp qismi intérnét arqiliq erkin pikir qilghan kishiler.

Nyuyork shehiridiki zhurnalistlarni qoghdash teshkilati élip barghan ray sinashta, kishiler xitayni dunya boyiche zhurnalistlarni sotlimay jaza höküm qilip qamaydighan bash türme, dep bahalighan. Adette zhurnalistlarni tutqun qilish weqesi xitayda da'im körülüp turidu.

Fransiyidiki muxbirlar teshkilatning bayan qilishiche, xitay hökümiti ötken yili tibet dindarlirini öz ichige alghan 19 kishini 'mexpi gézit chiqarghan' dep eyiblep tutqun qilghan, bularning délosi 50 din artuq kishige chétilghan. Chégrisiz muxbirlar teshkilatning bayan qilishiche, xitay hökümiti bu yil 1 ‏- ayda 31 neper zhurnalistni tutqun qilip, sotlimay türmige solap qoyghan. (Weli)